Sino X'mas

很喜歡聖誕，一個又一個Party停不了，繼型格酒店Kerry Hotel後，是晚來到Royal Pacific Hotel參與信和酒店集團舉行的派對。

筆者對皇家太平洋很有感覺，皆因小時候每年Christmas，均會去那裡吃自助餐，我早已將這酒店與聖誕劃上了等號。

多年後再次來參與聖誕活動，自然萬分期待！

是夜，信和集團旗下各酒店精銳盡出，各自Display自己的聖誕招牌菜色，包括有糯米釀火雞、聖誕水晶球、馬卡龍聖誕樹，以及X'mas Log Cake等，睇見口水流。

    

翻開Menu睇下有咩食，原來餐牌更有公關朋友親手寫的聖誕及新年祝福，倍添溫馨。

打頭陣的是Carpaccio，但就不是牛肉，而係紅蝦薄片，賣相及色彩好吸引，味道很鮮。再配以海膽、柑肉、子薑，以及香檳檸汁等，成件事好清新醒胃，是非常不錯的開始。

接著來有個湯，乃藍蟹肉濃湯，湯頭濃郁而不過咸，蟹肉來得慷慨，還加入了粒粒的蒜香包，豐富了層次。

以為四道菜不夠飽，那就大錯特錯，因為主菜係糯米釀火雞，配威靈頓牛柳，份量巨大。聖誕吃火雞，理所當然之事，皇家太平洋的火雞一向做得出色，今次都唔例外，肉質不嚡口，釀入的腊味糯米飯口感味道俱佳。至於威靈頓牛，火候控制唔容易，不過是夜吃得的就拿毇得好，外皮酥脆，牛柳鬆化，不錯。

甜品固然充滿節日氣氛，是精緻又美味的樹頭蛋糕，仲有以士多嘝啤梨造成的聖誕老人，以及可口的雪糕，好睇又好食。

抽獎運持續欠佳，再次企係後排俾心心，哈哈！

我真係好鍾意聖誕～

酒店資料:
皇家太平洋酒店
尖沙咀廣東道33號中港城