薈景 - 暑期大聯歡

食物：$$$$

環境：$$$$

服務：$$$$

有些朋友，早已收心養性，甚少露面，只是大時大節或暑假才會出來見下大家。若今次會展的聚會我唔出席，下次再遇，恐防要去到2019。

人多，當然是吃自助餐最好，唔使等呢個等嗰個。會展的Buffet，出左名多嘢食，所以我有備而來，中午都無食飯。

　　　

正常來講，一開波都係食沙律或者凍海鮮，但我因為上次太飽吃不成片皮鴨，耿耿於懷，這晚先來一份片皮鴨，償願。

次後，再回歸沙律行列，不過陣容太鼎盛，我只是蜻蜓點水般，嚐過就是。

凍海鮮除了開邊龍蝦吸引之外，仲有坊間少見的花蟹，鮮甜到入心。其餘的大路嘢如青口、蟹腳、凍蝦及翡翠螺等，全部有齊。

放心，即開生蠔也不缺。呢個時侯，澳大利亞的Coffin Bay最靠得住。不過我已不再是十多年前的我，吃一打生蠔也面不改容，淺嚐兩隻已經足夠。

熱食款式唔少，焗蠔比預期中出色，起碼唔會縮晒水。龍蝦尾係即燒，火侯控制得宜。花枝炒時蔬都唔怕杰撻撻。仲有三款湯水，全都精彩。

還有燒味類，燒腩仔皮脆唔會硬轟轟。

這裡的印度嘢如各款咖喱、天多里烤雞等做得正宗，皆因佢有印度籍師傅坐鎖。

各式甜品，好睇又好食，梅酒啫喱杯，賣相美得捨不得吃。草莓蛋糕、香芒蛋糕，以致紅豆銅板燒亦有水準，滿意。

最後仲有生日驚喜，真心多謝大家～

餐廳資料:

薈景

灣仔港灣道1號香港會議展覽中心4樓

25827250