新店速遞：亞蘇爾 - 要加把勁

食物：$$$

環境：$$$

服務：$$$

Yoho Mall實在多嘢食，想吃的餐廳還未吃完，又有新勢力加入，看來我仲有大把機會要入元朗搵食。

既然有朋友相約，打尖都要啦，先去呢間亞蘇爾，其他食肆再Schedule過。

香港人就是這樣了，新屎坑，排左試左先算，好彩我哋習慣早食飯，遲來一步都已經要等…等…等…

     

肚餓了，快些點菜！澳葡有著密不可分的關係，因此許多菜色也是充滿葡國風味，如沙甸魚便是其中一樣經典，簡單的配上香脆的蒜茸包，無須太花巧，已經很有特色。豬扒包也是當年去澳門必吃的東西，話時話，近幾年過大海都已沒再吃過豬扒包了。

烤乳豬是我喜歡的食物之一，呢度既烤豬，皮的確是脆得像薯片，豬肉嫩滑，唯味道比較淡口，師傅調味不妨重手一點。

盲鰽燒至皮香，肉質保持細嫩，香蒜牛油海蜆，鮮味唔太突出，至少都唔怕有沙。不過不失吧！

再來個菜蔬平衡下，葡式腊味炒什菜，勝在惹味。

沒有點甜品，皆因我們已鎖定目標，下一站是Tony Wong，佢既雪糕和雪葩堅係好好食架～

餐廳資料:

亞蘇爾

元朗元龍街9號形點1期2樓2056號舖

35869133