海外篇：水門海南雞 - 浪費 Quota的一餐

食物：$$1/2

環境：$$$

服務：$$$

作為一個遊客，難得來到曼谷，必然要前往水門市場，吃番頓海南雞飯。

搭BTS在Chit Loma落車，沿著Central World前的大馬路走，十來分鐘便會到達，並不難搵。

水門海南雞，是粉紅衫與綠衫之爭，目測發現，粉紅衫大勝，真的旺場很多，可能是網上人人推介的原因吧～

     

好彩早一步來，等一張枱已可，若遲五分鐘到達，已經大排長龍，認真誇張。

點好餐，奉上每人一碗湯，完全的味精掛帥，喝兩匙也要無奈收手。

招牌的海南雞，大半碟走皮，搞咩鬼呀？雞肉未見嫩滑，單靠醬汁要調味，水準跟星洲的天天和逸群，或者檳城的伍秀澤，相差十萬八千里。

正義之士如我，看見邪惡的雞腎與雞潤，誓要將佢殲滅。可惜，兩者竟然都無味，浪費我既Quota。

鹵豬腩肉真係睇見唔開胃，吃起來也一如所料，嚡口又唔入味。

叫左枝可樂，店員問要唔要加冰(收2泰銖)，沒要了，始終有點擔心衛生問題。誰知原來枝可樂，是暖的，無言。

見識過，便算～

餐廳資料:

水門海南雞飯

Soi Phetchaburi 30, New Phetchaburi Road, Makkasan, Rachatewee, Bangkok