鰹の一滴 - 鰹正!

食物：$$$$

環境：$$$$

服務：$$$$

人稱拉麵陳的Meter Chan，對深水埗好像情有獨鍾，旗下的食肆如隱家、海老名、混亂拉麵、宗像屋等等，幾乎全設於該區。是他對呢區有住深厚感情，還是風水佬的寄語？不得而知。

拉麵陳的最新力作，鰹の一滴，名字簡單而直接，同是設於深水埗，鴨寮街(近楓榭街球場)。

門面貫徹其低調作風，就一個鲣字，到過隱家、宗像屋的朋友，大概會懂。

  

店子基本上獨沽一味賣這道，我就來一碗味玉鰹の一滴，內有兩片叉燒、筍，以及蛋一隻。

未幾，拉麵便送上來，湯頭偏深色，未吃已經嗅到魚介的鮮香。依習慣先呷口湯，味濃而鮮，且十分順喉，果然有料。

用上粗身的麵條，煙韌有嚼勁，我雖不是粗身麵條的粉絲，也要讚一讚佢水準了得。

兩片叉燒雖偏瘦，肉香卻十足，軟腍且彈牙，近乎完美演繹。

破開隻蛋，流心程度讓人滿意，香甜可口，火侯控制尚佳，不枉我多花的十個大洋。

友人點的黑の一滴，就是在鰹の一滴之上加入了一撮黑松露醬，將之撈勻，添一份香氣。

不知何解，吃著吃著，總想有可樂來伴麵。如果是枝裝，仲正。

店家有現成的鲣魚乾、鲣魚絲、麵條等發售，讓大家可以回家自煮鲣魚風味，但計我話，直接來吃，方為上策。

餐廳資料:
鰹の一滴
深水埗鴨寮街28-36號運福樓地下B號舖
34831889