Viet. Kitchen - 一個人的午餐

食物：$$$

環境：$$$$

服務：$$$

想睇下大家，究竟可以有幾「獨立」。

你可以一個人去做以下既事情嗎??

一個人去睇戲??一個人去唱K??一個人去打邊邊??一個人去嘆法國菜??

如果你全部都做得出，我真心佩服你，你既境界，應該幾近神級。

講番我，真的很水皮。要是自己搵食的話，不是茶記車仔麵，就是去飲咖啡，頂多頂多，是去些中價越南菜館，食碗河粉。要我獨自去打邊邊或食日本燒肉，暫時仍未做到；「毒」嘆法國菜，更加是天方夜譚。

這天，一條友想食好西，考慮良久，還是來了這定越南餐廳。

       

外賣仲多

正午十二未夠，人客不算多，不過全體員工都超繁忙的去準備外賣，看來外賣的生意，比堂食更為厲害。

 

跟餐配小食

午市套餐，會跟上一份小食，我揀了龍脷米紙卷。都算包得唔錯，唔會鬆鬆散散，但配上龍脷，總覺口感上不太合適。

 

普通貨色

無咩胃口，主食要點濕濕地的，就生熟牛肉湯河吧！呷口湯，偏淡口，河粉不滑，還幸牛肉真的是半生熟，但整體而言沒有驚喜。

 

唔夠凍

天氣太熱，捨棄了滴漏咖啡，要杯凍檸檬茶。可是，茶味淡，最大問題更是唔夠凍，可惜。

貼近午飯時間，人開始多，要識時務，咪阻住地球轉。

餐廳資料:

Viet. Kitchen

中環干諾道中41號盈置大廈地下G04及G06號舖

 2806 2068