永合成馳名煲仔飯 - 暖笠笠

食物：$$$$
環境：$$$1/2
服務：$$$1/2

終於終於，真的有點寒意，聽到不少女士們說好開心，冬天衫可以出籠，或者去邊度邊度數貨，乜乜乜。

筆者怕凍，查實不大喜歡冬天，#夢想中的summer為何還未到? 但總叫做有個籍口，好聽啲叫理由，可以跟朋友去打邊邊，同埋食煲仔飯。

老字號煲仔飯店永合成，由上環遷到這裡後，仍未有機會前來。就在一個氣溫驟降的下雨天，拉埋為食朋友，飽吃一餐。

 

 

新地方

新地方，環境是較舊店光猛企理，不過就細間左囉~

有乜想食? 朋友問。

唔使諗啦，窩蛋牛肉飯。我答。

你喜歡的話，可以加碌腸。我補充。

正呀！加條潤腸丫，恨食左好耐啦！朋友興高采烈地說。

 

暖笠笠

麵包爐的做法，碎牛分開炒，最後加蛋，同埋潤腸，好快有得食了。

飯軟熟有米香，牛肉味濃郁，撈埋隻蛋好精彩。多條潤腸，多份美味。自行下少許的咸豉油，吃得更滋味。記住，少許豉油已經夠喇。

 

好味道

雖有下場，但朋友怕唔飽，想加多份蛋牛治。我只提兩個字 : 烘底。

烘得香脆熱辣，牛肉鬆軟味佳，富蛋汁，很好吃，是高水準的示範。

 

太多奶了

一切都很滿意，只是杯熱奶茶，奶太多，茶味欠濃郁，美中不足。

餐廳資料:
永合成馳名煲仔飯
西環德輔道西360號地舖
2850 5723