家香 - 玩味十足

食物：$$$1/2
環境：$$$1/2
服務：$$$1/2

近日，多了與甜魔媽媽Yan相聚，反而Matthew & Chloe，則少了出巡。

某天，Yan話Matthew仔開始放聖誕假，會同M&C去灣仔食午飯，問我有無興趣一齊。

都好吖！咁去邊食呢? 我問。

瑞安中心，家香KASA。

我，頂多去下稅局，或者入境處，真係十年都唔會去一次瑞安，更從不知道有間家香KASA的餐廳。

是主打新派粵菜的餐廳，而且玩得好大膽，單是以萬壽無彊的茶盅來盛港式奶茶，已經知道呢間嘢，非同凡響。

 

有趣

各款創新食品，更加是玩味十足，而不失美味。如家香漢堡，以菠蘿包作包身，加隻太陽蛋，同埋日式叉燒。看似九唔搭八的組合，但細心一嚐，卻又真的不會點輸。M&C更獨霸一份，拒絕與人分享。

煲仔飯?

這裡的煲仔飯，到底又會是什麼東東? 果真，不是這麼簡單，是造成飯糰的樣子，又保持飯焦的脆脆口感，沾些甜醬汁，特別！我想，廚子是要把煲仔飯的精髓，抽出來。

 

很喜歡這個

再來的魷魚麵，今次我猜到，就是將魷魚切成麵條的形狀。汁醬調校得好，「麵條」爽身彈牙，沒有過韌，冰涼的感覺，好清爽。
 

不錯

還有薑蔥魚，斷估唔會就咁蒸條魚出來吧！佢，其實係煎三文魚，另將魚皮炸脆。煎魚的火侯控制得恰度好處，筆者很怕過熟的三文魚，最妙的還是那薑茸，跟三文魚是意料之外的合拍。
 

鬆化

東坡牛筋骨，呢味都唔難估，大概就是以東坡肉的做法，去烹煮牛筋骨。只是時間充足，牛筋骨自會鬆化入味，加上濃濃醬汁的味道，總會合心。來一碗白飯相伴，最為正路。

黯然銷雲飯?!

豬頸肉太陽蛋飯，服務生送來時，我的第一感覺，竟是黯然銷雲飯?! 太陽蛋鋪面，已夠晒誘惑，那幾片，其實並不是叉燒，而是口感彈牙又滿滿蜜香的豬頸肉，厚切，我真心認為好好食。
 

我想起Lab Made

甜品四款，要晒佢！其中兩樣，是奶醬多雪糕，與咸檸七冰糕，兩者均令我想起某間分子雪糕店。
 

半唐番

吃西班牙菜，很多時都會嚐鬼佬油炸鬼Churros，將佢變成中國化，很有半唐番的感覺。
 

奶皇

心太軟，往往就是朱古力，頂多就是抹茶口味，廚子想起了中式的流沙飽，將佢來個中西合璧，又幾好食。

呢間嘢，有意思！

 

 

餐廳資料：

家香

灣仔港灣道8號瑞安中心1樓103號舖

2659 9189