Fabrice 嚐味: Oolaa - 吃Brunch吃上癮

2014年9月2日星期二

Oolaa - 吃Brunch吃上癮

食物：$$$1/2

環境：$$$1/2

服務：$$$1/2

唔係呢個忙到抽筋，就係嗰個去左旅行；不是這個約了朋友，就是那個唔得閒，大局是愈來愈難約，同中六合彩既難度相差無幾。所以，有時人少少都會出來聚一聚，反正定好了時間地點，得就嚟，唔得就下次。

今次的用餐地點，由好友Oli提議，是上環的Oolaa，去食Brunch。短訊發出後，大家都沒有異議，造就了這五人小局。

全是外國人

中午三十幾度的高溫，從香港站走上Soho，都幾係嘢。大汁疊細汗的來到，馬上大喝幾口凍水，降降溫，抖順條氣才慢慢揀吃什麼東西，反正我們有大把時間。舉目所見，在場十居其九都是外國人，我們幾個，是否霸佔了人家的地盤呢?

四隻蛋的大奄列~

翻開餐牌，又想食賓尼特蛋，又想食大早餐，仲想食埋奄列，選擇困難症似乎又再發作。掙扎又掙扎，最終鎖定了大奄列，在十四款的餡料之中，可選配三款，若要再加的話，也可，盛惠每款廿五個大洋。

好飽足

以四隻蛋做成的奄到，份量果然唔講得少，而且煎得微焦，賣相吸引。至於餡料，我挑了香口的煙肉粒，仲有爽口的蘑菇，口感自當不錯。當然，還要有香濃的芝士，整件事才會來得妥當。有我喜歡的Brie，不作他選了吧！

指定項目

分甘同味，從來是我們的飲食宗旨。於是，又試了院長叫的賓尼特蛋。這裡的Eggs Benedict，有幾款可選擇，譬如是火腿跟菠菜，或者煙肉配牛油果，再唔係連蘑菇都有。而院長揀的，是煙三文魚與菠菜，煮蛋的火候控制得唔差，荷蘭汁更是非常Creamy，配上軟熟的三文魚、嫩口的菠菜，以及Muffin同吃，滋味無盡。