add@Prince - 海陸美饌

食物：$$$1/2

環境：$$$1/2

服務：$$$$

朋友問我有冇食過Add@Prince的自助餐，筆者一時間啞口無言。

Marco Polo 的三間自助餐，Three on Canton吃過好幾遍，Cafe Marco亦嚐過，唯獨是Add@Prince，我真的毫無印象。

後來回去Search下自己個爛鬼Blog，原來我約三年前，曾經吃過一遍。

可以紀錄底自己的飲食經驗，待老人痴呆症發作時也可搜尋番，是寫Blog的一大好處，也是我堅持繼續寫的原因之一。

　　

少爺18 - 撈起時間

食物：$$$1/2

環境：$$$$

服務：$$$$

筆者份人雖然唔迷信，但過年過節吃些意頭的東西，如盆菜、撈起等應下節，無妨～

尤其源於南洋一帶的撈起，大家齊齊高舉筷子，一同把食材及醬料拌勻，好食又好氣氛。都話我對星馬菜色是有情意結的啦～

舊年已嚐過少爺18的撈起，家人似乎都喜歡，今年再Encore，又來一大盒回家分享美味。

   

新店速遞：熱辣壹號 - 麻辣鍋新星

食物：$$$1/2

環境：$$$$

服務：$$$$

講開又講，近年真的少吃了麻辣火鍋，當朋友話想搞個『無文化』辣局 ，當作團年刺激一番，我立即舉手贊成。

搞手所選定的，是剛剛才開業的店子，熱辣壹號，似乎是內地紅星所開設。

店子在海港城港威商場4樓，仲要瑟縮一角，若不是專程去找，真的不容易搵到。

    

新店速遞：J.S. Foodies - 熱潮持續

食物：$$$1/2

環境：$$$$

服務：$$$$

輕飄飄的梳乎厘班戟熱潮持續，又一城又開左間新嘢，叫J.S.Foodie，是希慎人氣班戟店Flippers的同枝，我自然有興趣。

家陣去食Souffle Pancake，排隊是件必然的事，呢間肯肯定唔會例外，好在有朋友早來霸位。

   

炯記餐室 - 難兄難弟

食物：$$$

環境：$$$1/2

服務：$$$1/2

與棋哥關係密切的炯記，以手撕雞拌鵝油撈麵馳名，剛開業時我曾試過，給了一個讚～

隨住棋哥水準每況愈下，烔記的質素能否保持住？我有點懷疑，趁這晚要食自己，一來探過究竟。

晚上七點多，店子仍有唔少位，似乎唔多對路，唔通真係好既唔靈醜既靈？

    

新店速遞：麵屋一京 - 繼續撐Food Court

食物：$$$$

環境：$$$1/2

服務：$$$1/2

曾經有人問我，係咪打死都唔會去Food Court食嘢？咁我又無咁決絕，咪一陣俾人見到我係美食廣場食頹飯，又大造文章。

當然，在可以選擇的情況下，可免則免。

然而，自從嚐過雞冠的海南雞，頓覺不是泛泛之輩，便對長沙灣呢個美食廣場　Food Creative產生了莫名的好感。今天的我打倒昨天的我，筆者真係主動再去了這個Food Court。

    

Big Bay Cafe - 紅磡海旁的南澳風情

食物：$$$$

環境：$$$$

服務：$$$$

心水清的朋友或會記得，筆者聖誕前才在Kerry Hotel食過自助餐，仲開晒香檳咁慶祝，還不到一個月，又再次到訪?

是的，能讓我短時間內重臨，除了因為窮之外，也是因為愛呀！個人幾欣賞呢度既食物，尤其是新總廚Matthew Woolford上任之後，自助餐水準是大躍進。

今期，Matthew更將他家鄉，塔斯曼尼亞的一系列美食引入，包括和牛、海鳟魚、青口等等等等... 海陸食材都咁吸引，就當俾藉口來吃團年飯吧！

    

榮華南洋冰室 - 唔太南洋

食物：$$$1/2

環境：$$$

服務：$$$1/2

唔算太肚餓，只係為食和口痕，看見這家榮華南洋冰室，想進去吃些小食。

翻閱餐牌，以港式茶記食物為主，連喇沙和肉骨茶都沒有供應，最近磅的只是咖央多或者咖央菠蘿包，與南洋食品似乎扯不上太大關係。

雖然與我預期有所不同，但既來之，則安之，總會揀到想吃的小食。

   

鴨大哥 - 廚魔的片皮鴨

食物：$$$1/2

環境：$$$$

服務：$$$1/2

喜歡吃片皮鴨的筆者，當然老早就注視住由廚魔開設的鴨大哥，到底玩慣分子料理的大師，會怎樣演繹傳統的皮片鴨呢？

講下講下，又拖左成年，趁農曆新年前，要認真清一清我手頭上的Wish List，抽時間來吃一頓鴨宴。

呢度既片皮鴨，有兩種，分別是廚魔推介的慢煮版本 (需預訂)，以及平時大家吃到的傳統版本。商議一陣，決定要來後者。人不多，半隻已足夠。

    

新店速遞：The Hangout Corner - 放慢腳步

食物：$$$1/2

環境：$$$1/2

服務：$$$1/2

既喜歡打邊爐，又愛流連文青咖啡店，到底我係一個有無文化的人呢？我好混亂呀！

精神分裂症，可能就是這樣走出來的～

唔理咁多，是夜一於扮文化人，去新開的文青店子食晚餐。

位處普慶坊的店子，不論你在上環或是西營盤爬上來，也要一點腳骨力。這裡，Weekend應該還有點生意，平日夜晚真係唔敢諗。

    

新店速遞：雞冠 - 美食廣場的優質海南雞

食物：$$$$

環境：$$$1/2

服務：$$$1/2

以Food Court去計，長沙灣的新場創食薈（Food Creative）都算幾巴閉，竟有十二味、麵屋一京、老Come煎餅等名店進駐。

還沒兜勻一圈，眼見這家雞冠新加坡海南雞飯，被吸引住，我決定不作他選，吃份海南雞套餐。

無錯，我再長氣講句，我真係好喜歡吃星馬菜。

套餐有跟油飯、例湯，以及飲品。這裡的雞，浸得很嫩滑，雞皮爽口，還保持點點雞味。油飯好大碗，粒粒分明，軟熟又夠香，以美食廣場水準而言，直頭超班。

    

The Place - 牛迷世界

食物：$$$1/2

環境：$$$$

服務：$$$1/2

家陣酒店自助餐主題，愈來愈多元化。各國／地區菜色為主打又有，矜貴食材作招徠的亦屢見不鮮。然而，作為一個食肉獸，最開心莫過於是牛肉做主題，簡簡單單，無須花巧。

所以，當知道The Place今期主角係牛牛之時，想也不想便應約。

    

俺流塩らーめん - 過江長龍店

食物：$$$1/2

環境：$$$1/2

服務：$$$$

呢個來自東京澀谷的拉麵過江龍，間間選在新界區，最鐘意開係扶手電梯底，但你咪理佢，永遠都是人龍不絕，生意做到無停手。

好似這間位於將軍澳的分店，我有理由相信，他是全個東港城最旺場的一家食肆。

共十二款拉麵，還有其他的小食，以拉麵專門店來說，款式算是很多的了。

枱頭有黑蒜茸、柚子醬及梅子醬三款，欣賞佢有圖解建議什麼湯底配什麼醬，當然你亦可憑自己的口味／直覺，自行配搭，中伏唔好賴人就是。

    

金滿庭 - 仍未回復最佳狀態

食物：$$$1/2

環境：$$$1/2

服務：$$$1/2

曾幾何時，筆者係金滿庭的粉絲，食物雖不致頂級，至少水準穩定，性價比高，是家人/朋友聚會的好地方。

近呢五、六年，我的味蕾可能被寵壞了，咀刁左，開始覺得金滿庭已不是我杯茶。

好一段時間沒來，希望今次能扭轉我對此品牌的印象，讓我重新愛上它！

   

新店速遞：麵屋福 - 荃灣，總算有沾麵店

食物：$$$1/2

環境：$$$1/2

服務：$$$1/2

荃灣大霸街，日本餐廳＂秘＂的旁邊，曾經出現過一家粉麵店。筆者試過一次，難食到一個點，發誓以後都唔會再去，好彩冇耐佢就執左。

粉麵店如今變成拉麵店，專食沾麵，是晚沒有飯局，收工就來試試。

可能店子太新，許多人唔夠膽冒險，隔離的秘大排長龍之時，這店卻只小貓三幾隻。

    

麻甩佬狗仔粉 - 麻甩佬的回憶

食物：$$$1/2

環境：$$$1/2

服務：$$$1/2

蘇屋村的重建已八八九九，囍乜囍物亦相繼入伙，長沙灣早已不再是舊區，新餐廳多到我也吃不完。

重臨舊地，食埋嘢才打道回府是常識吧！發現母校對面有間新開的店子，賣的卻是懷舊狗仔粉，名字仲要叫麻甩佬，岩晒我，我好有興趣。

七點幾鐘，只見小貓三幾隻，附近的餐廳遭遇差不多，似乎沒有受惠於新樓的落成。

雖然客人不多，但我又唔覺有很大的伏味，唔知我既直覺準唔準確呢？

   

鮨處松戶 - 濶別餘年

食物：$$$1/2

環境：$$$1/2

服務：$$$1/2

總覺得彩星集團大廈樓上那幾間餐廳好神，間間質素有番咁上下，生意卻普通過普通，但仍然可以屹立不搖多年。

鮨處松戶是其一，對上一次來係四年半前，沒多少個客人，是晚亦然。

這次重來，門口的植物全部消失了，感覺沒以前好，希望食物水準可以Keep得住。

   

娘惹嫁到 - 本地數一數二的喇沙

食物：$$$$

環境：$$$1/2

服務：$$$1/2

認識我既朋友都知道，筆者對馬來食品情有獨鍾，喇沙當然是其中之一。

成世人食過最岩口胃既喇沙，肯肯定係檳城的亞依淡巴剎喇沙。那層次複雜的湯底，酸辣咸鮮的味蕾衝擊，是難以言喻的美味。

記得老友食完碗大的，又明知之後仲有一場，仍然忍唔住再Encore多碗，水準可見一斑。

你估我唔想咩？！只係食力實在太有限而已。

   

新店速遞：Thirty First of May - 月球下的五月天?

食物：$$$1/2

環境：$$$$

服務：$$$$

When I was small

and Christmas Trees were tall

We used to love while others used to play

早已不再Small, 係確確切切的老了，連日子也搞不清楚，這餐廳應該是Thirty First of May才對。即以前Stella's Bar & Restaurant嗰個位囉~

    

棋哥燒鵝餐室 - 棋哥，點解你會咁折墮?

食物：$$1/2

環境：$$$1/2

服務：$$$

你你你你你你你你你...

鵝鵝鵝鵝鵝鵝鵝鵝鵝...

棋哥剛開業的時候，風評不俗，身邊有些朋友吃過也讚，我仲以為棋哥係型係醒。當我親身體驗過後，卻是徹底的失望，或者因為近月棋哥忙著開分店而影響了水準。

費事傷腦筋，來個二人餐乾手淨腳。

  

加東叻沙蝦麵 - 肉骨茶，暖暖身～

食物：$$$1/2

環境：$$$1/2

服務：$$$1/2

夜了，凍了，拖著疲憊的身軀，獨自在上環漫無目的地找吃。

好像無乜胃口，點心唔想食，拉麵吃不下，反而見到呢間馬來嘢，卻有點意欲走進去。

其實有唔少選擇，喇沙、蝦麵、乾撈，以致海南雞都一應俱全，無胃口的話，吃些小食也可。我偏偏看上了肉骨茶！

    

Urban Cafe Commune - 由最後午餐變成茶餐

食物：$$$1/2

環境：$$$1/2

服務：$$$1/2

三年前的年末，筆者與車媽媽兩件廢老，去左間著名壽司店，嚐過頗合意的『最後午餐』，輕輕鬆鬆又一年。當時話，如果有機會，翌年再一齊食。

之後一年，我快活地去了檳城誇年。去年，碰巧是禮拜天，又成不了事，最後午餐連續斷纜。

來到今年，lunch是吃不了，來個最後下午茶又如何？

    

班戟館 - 太有個性的小店

食物：$$$$

環境：$$$1/2

服務：$$$1/2

是日入屯門搵食，其中一個目標，係班戟館。同行者這樣說。

友人收到風，呢間嘢係不定休，所以出發時已打去問佢當日有無開，同埋開幾點。得到的答覆係：有開，不過因為準備緊，唔知幾點會ready，可能三點，或者四點，甚至五點。

我明白，小店經營，人手緊絀，許多時未必可以準時打開門口做生意，但都唔使有個性到咁吧！

結果，四點前來到，店子已在營業。小店座位不多，幸好是日也沒太多客人，不用排隊，或者係我們來得及時。

   

新店速遞：KOKO Coffee Roaster - 獨沽一味鹵肉飯

食物：$$$1/2

環境：$$$$

服務：$$$$

葵涌工廈內，有間咖啡店，叫CoCo Espresso，地方隔涉，但人氣旺盛，假日也是一位難求。

友人報料，這間廠廈咖啡店，已悄悄地遷移到我家附近的南豐紗廠The Mills，易名KoKo Coffee Roaster。

作為一個常喝咖啡的懶蟲，The Mills多了幾家水準咖啡室，我是無任歡迎。

聚福樓 - 名字很玩味，製作卻認真

食物：$$$$

環境：$$$$

服務：$$$$

聚福樓，驟耳聽其名字，百分百會覺得是中式酒樓，食蝦餃燒賣同燒味的地方。

然而，世事無絕對，只有真情趣。屯門有間聚福樓，不過卻是如假包換的Cafe，如不是朋友說想來試，我直頭唔知有間咁搞嘢的東西。

由於名字與預期有太大反差，特意上網搜尋下佢既來龍去脈，據知店主的岳父在澳大利亞曾開過一家餐館，正正是叫聚福樓，所以這Cafe便沿用了這個名字。

又，店子英文名叫Joy Food Lounge，同聚福樓又幾夾喎！

   

新店速遞：茶餐廳2.0 - 我還是喜歡傳統的

食物：$$

環境：$$$$

服務：$$$$

經一事，蔡一智。茶餐廳2.0這個故事，教訓我唔好亂入餐廳，尤其是懶新派既餐廳。

話說是忙透了的一夜，人在愉景新城，隨便食少少嘢才打道回府。

發現以前的熊啤啤餐廳，變成了茶餐廳2.0，七點鐘左右人客不少，沒多看一眼餐牌便進去。

始終是新開張，環境自然光猛企理，牆壁畫上了茶記的食物，算是設計的焦點所在了。