add@Prince - 海陸美饌

食物：$$$1/2

環境：$$$1/2

服務：$$$$

朋友問我有冇食過Add@Prince的自助餐，筆者一時間啞口無言。

Marco Polo 的三間自助餐，Three on Canton吃過好幾遍，Cafe Marco亦嚐過，唯獨是Add@Prince，我真的毫無印象。

後來回去Search下自己個爛鬼Blog，原來我約三年前，曾經吃過一遍。

可以紀錄底自己的飲食經驗，待老人痴呆症發作時也可搜尋番，是寫Blog的一大好處，也是我堅持繼續寫的原因之一。

　　

今期以海陸美饌為主題，凍海鮮如龍蝦、凍蝦、蟹腳、青口、翡翠螺，以及即開生蠔，應有盡有，而且大致新鮮。生蠔是愛爾蘭產地，比較爽身。

喜歡吃辣的朋友，相信會愛上這裡。因為這兒在泰式食品，比坊間的酒店自助餐要多很多，同埋味道正宗，辣勁非淺。

近期唔知發咩神經，去到邊都想食刺身，是夜亦請師傅幫忙切了一大碟，回去與各位分甘同味。

中意食芝士，但又唔太頂得住藍芝士的霸氣，認真無鬼用。硬芝士就比較適合我。

每位客人會有一份龍蝦拼和牛。開邊波士頓龍蝦，用上巴馬臣芝士焗，香噴噴，肉質又唔怕韌得像吃口香糖。和牛則燒得香口，但入口溶化的質感應可更突出,跟上松露醬，感覺更矜貴。

其實食完凍海鮮、龍蝦拼和牛後，經已飽得八八九九，再淺嚐少許熱食，我便足夠。

早前才跟好友講起，差不多全港的高級酒店都有印度嘢食，呢度亦唔例外，各式咖喱、薄餅等做得正宗。

這晚只吃了少許蛋糕，卻反而吞下了四球雪糕，係Movenpick的出品，質素唔需我多講。其實，佢仲有兩款口味的阿波羅雪糕的，但似乎無人問津，至少我呢枱無。

呷口伯爵茶消消滯，是我近期的習慣。

餐廳資料:
Add@Prince
尖沙咀廣東道23號海港城太子酒店3樓
21136046