鮨處松戶 - 濶別餘年

食物：$$$1/2

環境：$$$1/2

服務：$$$1/2

總覺得彩星集團大廈樓上那幾間餐廳好神，間間質素有番咁上下，生意卻普通過普通，但仍然可以屹立不搖多年。

鮨處松戶是其一，對上一次來係四年半前，沒多少個客人，是晚亦然。

這次重來，門口的植物全部消失了，感覺沒以前好，希望食物水準可以Keep得住。

   

近排忽然想食刺身，所以唔理三七廿一，先點來份雜錦刺身，細的可以了。三文、赤身、油甘、海膽、甜蝦與帶子等，大致新鮮甜美，唯獨是立魚比較遜色，頗多筋。

熱食幾款，有牛油燒帶子，端上桌時香氣四溢，好吸引，自行灑點檸檬汁去減低膩滯的感覺。帶子隻隻厚身，卻毫不會韌，本菇來得爽口，不錯吃。

雞翼有兩個做法，山賊燒以及鹽燒，經商議後要來前者。山賊燒屬濕身版本，帶微甜的汁醬，同埋黑椒的辛辣，都幾惹味的。更好的是雞翼沒燒至太乾。由於雞翼本身已帶汁醬，旁邊的沙律醬則只有作配椰菜絲之用。

生怕吃不飽，再整多件厚燒玉子。新鮮弄出來的玉子，熱呼呼又軟綿綿咁，點都唔會難食，雖然個賣相唔多誘人。

撘Lift離開之時，看到了樓上和宴的招牌，真心好想去食番餐日本燒肉。

餐廳資料:

鮨處松戶

尖沙咀廣東道100號彩星集團大廈8樓

31064468