文苑飯莊 - 山旮旯的實力飯莊

食物：$$$$
環境：$$$$
服務：$$$$ 

黃大仙一個十室九空的商場，近月出現了間飯莊，傳媒爭相介紹，老饕慕名以至。

是的，我想說的正是這家文苑飯莊，由於班底強勁，好快已成一時佳話。筆者唔打算再係度長氣，如果想知佢班底出自那裡，谷歌一下可輕易知道。

週末飲茶要分兩輪，我哋飲頭輪早茶，十二點半交枱。

平時飲茶，多半會柯打叉燒，今云轉轉口味，來了燒腩仔。一口一粒，皮鬆脆肉咸香，有層次，我喜歡！

接下來是一系列的點心，蝦餃燒賣是必然之選，前者賣相靚仔，澄麵皮不黏牙，蝦肉餡蠻豐多，還有筍尖，唔差的。

蟹籽燒賣飽滿企身，蝦肉豬肉比例各半，口感與味道皆對口胃。

鳳尾蝦荔芋盒，咬落鬆脆，芋茸細滑夠香，只是隻蝦無乜味道，作為裝飾增添氣勢而已。

龍眼蜜餞金蠔是店家的招牌，金蠔當然是香，這個做法吃起來除了甜美，還多一份清香，愈嚼愈好食。

再點了咕嚕肉，五花腩切成條狀，甜酸汁醬，沒有過多，剛剛掛上，而且調味得宜，若咕嚕肉可再鬆化一點，就更出色。旁邊的菠蘿燒至焦糖化，自然香甜多汁好味。

蟹醬蟹肉雙菇炆伊麵，是全日最敗筆的一道，完全沒有味道的，即使店員拿出余均益辣醬來補飛，也挽回不到什麼分數。

甜品項目好吸引，款款都想食，結果又點來一大堆。

芝麻卷及生楂卷都想食，小朋友才需要選擇，大人則是Why not both? 前者芝麻味很濃郁，生楂卷亦來得酸甜醒胃，兩者俱出色。

擔仔砵仔糕好吃，但總覺得不是兒時的味道。鮮奶蛋撻即焗，吃時要小心燙口。

據說凍既海帶綠豆沙，與及溫泉蛋生磨杏仁茶都可以，但我已再沒食力品嚐了。

有唔少菜式需要預定，今次沒有嚐到，我諗下次要夜晚來搞一局，試盡佢招牌菜式。

餐廳資料:
文苑飯莊
黃大仙竹園道55號天馬苑商場2樓S02號舖
31889095