TGIF - 在街角咖啡店的閒情逸致

是日約朋友出來吃個Early Dinner (定下午茶?!)兼吹下水。

因為之後有活動，所以揀左係西環，方便大家。

下午茶時份，最好就是浦Cafe，西區一帶我唔係太熟，選了間近期IG有唔少人推介的TGIF。

白色為主調的Cafe，感覺好悠閒舒服。QR Code自行落單，款款都好似幾吸引，唔覺唔覺篤左好多嘢食。

先來飲品，因為早上飲了咖啡，所以就將目光放在其他特飲之上。看見有款冰荔枝檸檬鐵觀音，即時點上。喜歡鐵觀音夠茶香，荔枝及檸檬則正好來個平衡，蠻不錯。朋友是菠蘿控，自然地選擇了菠蘿玫瑰梳打。

主食以外，仲點左份小食，他他炸蠔一口吐司。外脆內嫩的吉列蠔多士，上面加少少魚子醬作點綴，多一份咸香，多一份矜貴。中間的一片青瓜，正好減低炸物的油膩感。

兩份主食分別係意粉和全日早餐。藍青口海鮮茄醬意大利麵，驟眼看感覺有點港式，但味道又不俗，麵條有咬口，加上有唔少海鮮在內。兩隻甜美的藍青口更是亮點。

今時今日，不要再執著全日早餐必定要有薯餅及Black Pudding，這裡的出品更註明是走昭和風。炒蛋、煙肉、三文魚這常見的東西外，更有充滿牛油香氣的牛角包，以及草莓藍莓乳酪杯，其中後帶點點香蕉氣息，原來跟草莓乳酪咁匹配，健康又好吃。

作為一個過氣甜魔，怎樣也要來些少甜食才圓滿。巴斯克蛋糕係呢度既恆常甜點，但士多啤梨口味則是期間限定。粉紅的蛋糕女士們肯定喜歡，帶著清新口味的巴斯克我倒是第一次見識。

唔經唔覺就傾左兩粒幾鐘，係時候出發下個活動～

餐廳資料:
TGIF
西環石塘咀皇后大道西539號和發大廈地下4-6號舖
98753598