食物：$$$$
環境：$$$$
服務：$$$$
自從去年7788生日局來吃過Weekend Brunch，便對這裡念念不忘，說過要再來這鳥語花香的地方吃下午茶/晚餐。
估唔到，要事隔近大半年，我才兌現自己的承諾。
是次前來品嚐三層次下午茶，因已預先留了枱，可以坐到池畔邊的最有利位置，開心。
在如斯的環境下，當經理建議我們先喝杯酒，肯定是無法抗拒。
簡簡單單的一杯Prosecco，看著汽泡緩緩地升起，悠然呷一口，已是很高的享受。
美食陸續送來，率先奉上的是Scone。外殼酥脆，裡面鬆軟，質感唔會她乾，自行塗上Clotted Cream及果醬，非常精彩，質素比起許多五星級酒店的，還要出色。三層架亦隨之送上，賣相精緻吸引。頂層的兩款，係無花果鴨肉醬多士及煙三文魚忌廉芝士青瓜三文治卷，無花果與鴨肉醬本身就是元配，若多士可再清脆點，就完美，但這已是蠻不錯的。煙三文魚跟忌廉芝士從來也是天作之合，好穩陣的配搭。
中間嗰層繼續是咸點，帶子火侯拿捏得宜，伴以海苔、羊羹及三文魚子，滿意。蘆筍芝士撻，兩者都是我喜歡的東西，結合鬆脆的撻皮，好吃。第三款則是味噌肉醬意大利黃瓜，個人認為，頂頭的Bolognese是亮點。最底那層，盛著四款甜點，當中兩款我十分欣賞，分別是桂花啫喱抹茶芝士蛋糕，與及香橙朱古力撻，大推！吃至此時，味道醒胃又鬆脆的檸檬馬卡龍，正好作個平衡。
套餐跟咖啡或茶，你亦可選上打卡一流的iced matcha latte及iced cappuccino。兩杯特飲，均附上極度可愛的熊仔冰，真係點捨得飲呀！再者，兩杯飲品都唔係得個樣，味道亦交到功課。
Chill爆的下午，看來下次要再嚟，食下佢哋既晚餐喇~
餐廳資料:
Pondside
金鐘紅棉路10號香港公園
28853787
沒有留言:
張貼留言