旺記冰室 - 滑蛋傳奇

食物：$$$$

環境：$$$$

服務：$$$$

旺記冰室尚未紅之前，我去惠顧過其灣仔本店，滑蛋做得不錯，叉燒仍有進步空間。

眨下眼兩年，上Openrice睇睇，原來旺記已擴展至四間分店。滑蛋叉燒/蝦仁飯,真係好容易俘虜香港人的心。

六點鬆少少來到，兩個人要等一陣，相信好多人在下午茶的尾班車。數分鐘後，人漸散。

   

晚市原來沒有滑蛋叉燒飯，只供應蝦仁和牛肉，索性來碟滑蛋蝦仁牛肉雙拼。

牛肉嫩口，質感沒有經化學洗禮的假；呢個價錢的蝦仁，總不能預期鮮味爆發，爽口已交到功課。蛋仍舊是嫩滑，配秘制甜豉油，很好下飯。

啖啖肉豬扒撈麵，用上我喜歡的印尼撈麵，爽身惹味。豬扒薄身，起碼唔怕嚡烚烚。滑蛋保持水準。配上的沙律菜及車厘茄，也比一般茶記講究，但價錢貴不了多少，抵讚！

奶茶好澀，明顯唔夠奶，可能知我夜晚要睇波，給我醒一醒神。

若有埋杯靚奶茶，呢間嘢會如虎添翼～

餐廳資料:
旺記永室
尖沙咀亞士厘道29-39號九龍中心大廈地舖
26172616