2018年7月9日 星期一

紫 Dining at Murasaki - 師傅,請話事!



食物:$$$$
環境:$$$$
服務:$$$$

天氣太熱,再豐富的東西放在眼前,都會無咩胃口食,頂多只想吃些刺身或壽司等。

去到呢個年紀,唔好虧待自己,一係唔好食,要吃就吃有質素的,倒不如去Dining at Murasaki

已到訪過這間高級日本餐廳好幾次,對其出品信心十足,費事傷腦筋諗食乜(太多好嘢食,選擇困難症會發作),吃Omakase最好不過。
   


坐在壽司吧前,看師傅表演,猜猜佢會為我準備些什麼食物,從來治癒。


先整個前菜拼盤,蟹肉啫喱滿載清新氣息;鮑魚顯矜貴,但日本茄子才是重中之重。再吃件香脆不油的天婦羅,好,我已經準備好品嚐刺身了!


刺身以石恒鲷打頭陣,薄切的鯛魚口感爽身,醮以柚子酸汁同吃,清爽醒神。


大分縣的岩蠔,個子巨大又漲卜卜,以精緻器皿盛載,身價更顯高貴。配酸汁啫喱與鮮海苔吃,肥美爽身又開胃,真想請師傅開多隻俾我。


再來是北海道的牡丹蝦,師傅將蝦頭的蝦羔也塗在蝦身之上,吃起來鮮甜之餘,又多一份甘香,實在正斗。


師傅再拿肥美的大拖羅出來,睇見口水流,這款來自愛媛縣的極品,就咁食可能會太重油份太漏,所以師傅將之火灸過。


以紫菜包裹著來吃,整件事外脆內甘香,而又入口溶化,精彩絕倫。


店員收起大拖羅的碟子,師傅正為我們準備握壽司了,到底我會吃到什麼的壽司呢?我自己都在滿心期待。


率先上場的,係小柴墨魚。墨魚壽司不易做得出色,稍一處理不好,便是難以咀嚼的韌。師傅將之橫直界幾刀,簡單塗上醬油,加上墨魚本身的質素優良,成品爽口不韌,而且入味,配埋握得恰好的飯糰,有水準。


火槍再次出動,來對付金目鯛。新鮮的金目鯛,魚皮以火槍燒至微微焦香,滿意。


大拖羅就話怕油份過多,中拖羅來做壽司是最好,呢款醬油漬中拖羅,在口腔中溶化,就是棒~


馬糞海膽與三文魚籽鋪滿米飯,感覺澎湃,再者,米飯也是非一般,而是經魚油撈,總之每口盡是鮮香。


壽司過後係手卷,紫菜脆卜卜,入面的大拖羅蓉味鮮,炸洋蔥圈香脆,美味。


飽飽了,喝碗味噌湯後,係時候跳去甜品環節。


甜品當然唔會係一球雪糕就算,賣相精緻,味道濃郁的紫薯甜點,絕不欺場。

正到暈的Omakase,才$980,另加一。據聞七至九月仲有優惠,惠顧兩份,全單七折(加一按原價計),六位更有香檳送,唔係咁筍呀Fa?!

餐廳資料:
紫 Dining at Murasaki

6 則留言: