近年長輩們都不喜歡晚上出街，因此過時過節團聚，都改在中午舉行。
中秋午飯，選在啟德帝盛酒店的啟福樓，食完可以同長輩逛下零售館、體育館咁，阿姨話未去過。
原來與西班牙餐廳共享一個用餐區，所以除左VIP房有大圓枱外，大廳的裝潢都是比較西式。人多坐長枱食中餐確是沒那麼方便，菜式要做細份 (分兩份)放兩邊。午餐之頭盤，分明有七味金磚炸豆腐，與及九層塔皺皮青檸車厘茄。豆腐色澤好靚仔，皮脆內嫩是理所當然，調味剛好，沒有太嗆。番茄用了兩款顏色的配撘，經醃漬過，冰凍軟嫩且爆汁外，酸甜清爽蠻開胃，作為前菜恰如其分。是日的湯品，係蘿蔔霸王花，近期缺乏湯水，呷兩匙清甜潤澤的出品，喝得很舒服。一系列的菜式陸續上桌。金銀蒜茄子蒸蟲草花星斑球，肉質緊緻，魚皮有膠質，最愛是結合蒜蓉的香氣味道，墊底之茄子有夠軟腍索味，大家都讚不絕口。經常覺得小炒王這類講求鑊氣的菜式，必定要在大牌檔的地方吃才夠風味。但見呢度餐牌是舉起拇指，那又不妨一試。估唔到酒店出品就做得幾惹味，蝦球巨大，份量又不少，腰果、蝦干及韭菜花等基本嘢濃郁又帶咸香，微辣的味道，做到小炒王應有的神髓。咖喱薯仔牛筋腩煲也好，汁醬好下飯，牛腩件件鬆化，不過我還是較愛牛筋的口感。食呢味餸，一定要有白飯喇。咕嚕肉從來是大小朋友都愛吃的東西，呢度都算口感鬆脆，外層帶微脆的焦糖菠蘿，定必討好。家陣很多新派中餐館，都將菠蘿與咕嚕肉分開，擺盤更精美，尤其師傅用埋外形像調色盤的碟子，感覺更好。羊肚菌紅燒豆腐煲，其實都很好送飯。最後有健康的上湯杞子蒜子白菜仔去平衡下，是必須要的。既是中西共用一室，餐後也可揀飲咖啡，可能對很多食客來說，是更加合意，至少我啲阿姨全部都揀飲咖啡。餐廳資料:
啟福樓
九龍城啟德承啟道43號香港啟德帝盛酒店2樓
35288200
沒有留言:
張貼留言