Fabrice 嚐味: Landau's - 氣氛輕鬆的打卡美食之約

2026年9月8日星期二

九月生日之星話食咩無所謂，只想找家打卡餐廳，真膚淺，哈哈~

搵左幾間俾主角揀，最終佢挑中了在灣仔的Landau’s，即前身仙后餐廳。

即時上網訂枱，可惜扒房已滿，只能吃旁邊的Trattoria，壽星女話照食可也。

與其傷腦筋散點，倒不如就吃套餐，三道菜，各人選不同的食物，大家分甘同味。

柔軟又帶奶香的Ricotta cheese，配合色彩繽紛的番茄，最經典又最穩陣的組合。鵝肝醬塗多士，再以無花果作中和，也是預期中的味道。

三款頭盤，我既目光其實只放在紅蝦之中。蝦頭輕輕烤香，加上本身的蝦羔，甘香又邪惡。蝦身仍保持半生熟的狀態，口感與味道俱不錯。如果紅蝦身形可以寵大一點，相信大家會吃得更加滿足。

三款口味的意粉，其中在芝士輪內堂弄的「招牌菜」，需要另外加錢，又試下佢到底值唔值?

每條意粉均被芝士狠狠地包圍著，好濃郁但又真係幾膩，即場刨的黑松露可以再慷慨一點。

另一碟係蠔肉的貝殼麵，口感厚實的貝殼粉與杰身的蠔肉汁醬及煙肉粒尚算匹配，反而面頭的幾隻蠔肉經煎香，幾好食。

青口及蜆肉的意大利麵，勝在麵條口感保持咬口，味道則是意料之中。

甜品分別選了濃郁且口感實在的布朗尼，與及意式經典之提拉米蘇，兩款之間，我較欣賞濕潤的Tiramisu。

餐廳充滿打卡位，大家又雞啄唔斷傾到打烊，都是愉快的一個晚上。

Fabrice 嚐味