有無諗過，一百蚊左右，就可以係酒店，舒舒服服食個四道菜的午餐?
我想說的，是荃灣熊貓酒店，佢哋既大堂餐廳Simplicity，正是做緊呢個價，而且份量一點也不欺場。
呢款午市套餐，甚至週末及假日都有供應，只能說生意難做。
再講，餐廳環境是相當之舒服，超高樓底，空間感十足，若想清清靜靜，悠然地享用午餐，絕對值得推薦。講真，求其去深水埗的Cafe食碟意粉飲杯咖啡，隨時都唔止咁既價錢。
四道菜的午餐，包括沙律及餐湯。薯仔沙律大大份，一些沙律菜墊底，細食如我，食完個沙律已飽左一截。
餐湯只得一款，酸酸甜甜，感覺也是真材實料，不是全靠化學調味。
主菜有唔少選擇，港式的焗豬、東南亞既海南雞、西式之意粉及扒類，以至印度咖喱配烤餅，一應俱全。牛扒飯，只可挑七成熟或全熟，可想而知不會是太上乘的牛肉。成品上桌，又比預期中巨型及厚身。說要七成熟，是過了一點，但也未至於好韌，亦有點脂香，配埋份量十足的白飯，及黑椒汁，無咩可以投訴。
近年流行焗豬扒飯，不論是吃高級中西餐也時常出現在餐牌之上，這裡亦不缺。酒店稱是採用西班牙豬扒，入口的確鬆化，而且廚子很窩心地己切開，吃時更方便。墊底的，當然就是蛋炒飯。若硬要挑剔的話，芝士可以焗得再香一點。
是日甜品係紐約芝士蛋糕，口感唔錯，味道濃郁。
咁超值既午餐，竟仲包埋飲品，真係好痴線。呷口香濃的咖啡，配芝士餅，就是一絕。
我幾乎飽到晚餐也吃不下。
沒有留言:
張貼留言