全日雞實驗所 - 落戶荃灣

食物：$$$1/2
環境：$$$$
服務：$$$$

要數本地性價比高的海南雞，全日雞實驗所定必在列。

六十幾蚊的套餐，已經包埋餐湯、小食及飲品，有時茶記食海南雞飯都唔止呢個價啦！

由於佢旺角及北角美食廣場的分店坐得太唔舒服，所以我都不是經常幫襯。不過，好消息嚟啦！佢哋係荃灣開分店了，仲要係有卡位添~

分別點了海南雞及瑤柱肉餅套餐，大家分甘同味。

是日跟的小食係青瓜，炎炎天氣，吃幾粒清爽的青瓜打開胃口，岩數。

海南雞沒加錢轉髀位，依然保持皮爽肉嫩，但味道好像及不上旺角店?! 未知是心理因素，還是試業期間未調整得最好。不過，佔上三色醬，仍是合格以上的。

還是首次試這裡的瑤柱肉餅，一份有三塊，很厚身，有瑤柱粒豐富口感，是幾好下飯的。再講，不論你是吃海南雞，抑或係肉餅，都可以選擇白飯或油飯的。

要吃些甜點才夠圓滿，所以就沒有錯過佢哋既咖央多。牛油及咖央醬夠香甜，只是多士始終不及星馬那邊的出品咁香脆。不過我都好明白，因我吃過本地多間星馬菜館，大概也只得一兩間可以跟當地媲美。

飲埋罐汽水，見人潮開始多，唔好阻住地球轉了。

餐廳資料:
全日雞實驗所
荃灣兆和街16號地舖
62777845