一圍茶 - 我在三級歷史建築內飲奶茶

食物：$$$1/2
環境：$$$$
服務：$$$1/2

最近，網上有個很火熱的「茶餐廳」，一於帶老豆去飲杯奶茶。

目的地是「一圍茶」，坐落在前鄉事委員會舊大樓內。這座建築已有七十多年歷史，被評定為三級歷史建築。

經過活化後，餐廳保留了原有的古樸風貌，並加入了現代元素，感覺就是比茶記更舒服更有特色的食店。

這裡同時是一個社企，積極協助弱勢社群及特殊學校的青年，為他們提供培訓與工作機會，幫助他們融入社區，所以在服務/營運效率上，大家或者需要多一點耐性。當然，我們是絕對沒有問題。

原來這兒，跟灣仔名店「那杯茶」屬同一集團，有茶王坐陣，對佢杯奶茶都特別有期望。

要左個魚柳焗飯，與及菠蘿叉燒包大家分享，肯定仲唔少得杯奶茶啦！

魚柳很薄身，一叉起就散，唯勝在有大量芝士作彌補。

餐廳以QR Code點餐，但就搵唔到有菠蘿包系列，需要向店員直接柯打。呢啲基本設定，或者可以做得好一些。

Any肥，菠蘿包發揮正常，叉燒就是茶記常見的那種薄身及很瘦的叉燒，我心想，如果可以夾著多片厚切肥燶叉，我願意多付幾倍價錢。

到我最關注的奶茶，茶底是可以的，但很甜，即使是我也覺得很甜。

老豆杯茶走甜度都比得上馬來拉茶。

餐廳資料:
一圍茶
 沙田排頭街248號地舖
52488248 / 28844248