新店速遞：Thirty First of May - 月球下的五月天?

食物：$$$1/2

環境：$$$$

服務：$$$$

When I was small

and Christmas Trees were tall

We used to love while others used to play

早已不再Small, 係確確切切的老了，連日子也搞不清楚，這餐廳應該是Thirty First of May才對。即以前Stella's Bar & Restaurant嗰個位囉~

    

印象中，餐廳無乜大裝修，外在仍然觸目，最大分別是在裡面加了個『大月球』，讓食客可以邊吃邊賞月，諗起都覺得浪漫，哈哈哈～

可以直接點二人套餐，或者主菜另加三十八個大洋轉餐，便有餐湯和飲品。

是日餐湯係大蒜薯仔湯，我沒有喝，但據聞質素可以接受。另外的香草包，以大蒸籠來作盛器，有趣！

我既主菜，係蠔肉櫻花蝦意大利飯。一碟四隻蠔，乃日本產地，蠔身漲卜卜，吃起來至少唔怕腥。意大利飯好Creamy，唯稍嫌欠缺點像『米骨』的口感，不過可以收貨有餘了。

另一份係海膽蟹肉露筍偏意粉，麵條口感還不致太軟腍，蟹肉成份唔算少。面頭一大撮海膽，我分了一小匙來試，當然沒有驚為天人的效果，起碼唔怕腥，交到功課。

最後有安格斯牛肩扒，要的是Medium，弄出來亦沒過熟，帶少許肉香，還好。家陣百幾蚊塊扒，真係唔能夠要求太高。

甜品只三款選擇，未見吸引，偽甜魔的我還是放棄了。

餐廳資料:

Thirty First of May

荃灣大壩街5-7號仁蕙苑地下3-4號舖

24338383