2020年10月23日 星期五

新店速遞:點茶公館 - 小試牛刀



食物:$$$1/2
環境:$$$$
服務:$$$$ 

荃灣南豐紗廠唯一的日式拉麵店哲麵,性價比其實蠻高,但筆者兩個月前惠顧時,竟然一條友包場 (可按此參考!),認真悽慘。

不出所料,麵店無耐便執笠,早點止蝕離場或者都係好事。

一雞死一雞鳴,在這疫症陰霾下,仍有不少人願意叉隻腳入來,拉麵店轉身成為了點心專門店,點茶公館。

三十零蚊的點心,屬正常價錢吧,當中有些得意的點心,我比較想試。

不是太餓,選兩款已經足夠,其中的游來游去金魚餃,一籠有兩隻。

金魚餃的賣相不是我遇過最栩栩如生 (可重溫最漂亮的),但絕對可以接受。外皮比一般的蝦餃厚是必然,畢竟要做金魚造型就是這樣。餡料則是充足,蝦肉份量多,唯不算特別爽口,還幸有少許芫茜來作補足,我沒什麼投訴。

另外點了黑天鵝芋角,唔明點解棄啡色而選用黑色,不禁令我想起Theory of Black Swan,是想要警剔我們嗎? Sorry...離晒題,說回呢兩隻芋角,上桌時店員會注水入乾冰之中,使天鵝充滿仙氣,想不到點心專門店都會搞呢類花臣。然而,兩隻天鵝咬落稱不上十分鬆脆,肉多而無乜芋香,賣相大於味道。

$12/位的福鼎白茶,幾歹飲多幾啖先收手。

轉眼又到食晏繁忙時間,人開始多,要識做喇~


餐廳資料:
點茶公館
荃灣白田壩街45號南豐紗廠1樓109-110號舖
31696688

4 則留言: