瘋鳥 - 兩小時的偽文青

食物：$$$1/2

環境：$$$$

服務：$$$1/2

我，並不是大家想像中的大忙人，偶爾也可相約朋友歎下午茶，或者Early Dinner。

如是日，在深水埗完成任務後，難得夾到時間，便與久未露面的好友聚聚頭。近近地在長沙灣找間Cafe好了。

選了來Humming Bird，正確的中文名字係蜂鳥，即世界最細小的鳥。不過呢幾個店主後生有創意，玩食字，將店名的中文命為『瘋鳥』。

    

志在吹水，先點份小食，要杯飲品，邊食邊傾。小食挑了芥末牛舌，很軟腍的，並不是口感爽彈的版本，面頭塗上了黃芥末，令整件事惹味得多。旁邊的沙律菜我也沒有錯過。

有想過喝咖啡，不過近期愈來愈吃／喝得健康的我，最後決定要壺伯爵茶。感覺上較為淡口，大概是佛手柑的氣息較薄弱。不過，大大的一壺，飲完又可加水，岩晒我哋可以慢慢坐，慢慢傾。

坐了近一句鐘，不如再點份意粉大家分享？柯打了黑蒜蜆肉炒意粉。炒得幾香口的，意粉沒有過份軟爬爬，加上有唔少的蜆肉，我無投訴。

作為長沙灣地膽，當然要帶埋朋友去該區出色的茶記，感受下。

可惜，金園竟然已關門！！！

餐廳資料:

瘋鳥

長沙灣順寧道65號地舖

39564953