2018年3月21日 星期三

新店速遞:留白 - 特色甜品



食物:$$$$
環境:$$$1/2
服務:$$$$

十二點鐘,店主打開門,我哋立即間衝入去,做第一枱客人。

其實,沒有夾時間,咁岩得咁橋而已。

店員奉上餐牌,並向我們介紹午餐,但我倆偏偏將餐牌翻至最後一頁,目光只注視在甜品之上。皆因我們之前一場已吃了吐司,堅係痴線。

甜品只得兩款,分別叫「蕉」,各要一份,再每人一杯飲品吧~
    


先講「蕉」,賣相是半隻剥了皮的蕉跟擺放得靚靚仔仔的班戟。前半部份,是無花無假的香蕉,只是以火槍噴成焦糖效果。後半部份是白朱古力包著美味的雲尼拿雪糕。當然有點花巧嘢,白朱古力的外層做成像蕉皮的樣子,看起來更完整。朱古力班戟,香濃的班戟皮做得好,朱古力口味跟香蕉也相當匹配。


另一款的「蛋」,同樣有朱古力班戟和雲尼拿雪糕,只是雪糕再加上foam,令賣相更感高貴。蛋,外型似破了殼的蛋,當然佢唔係真雞蛋,蛋白是白朱古力,而蛋黃則是芒果汁,兩者味道幾夾,白朱古力又沒預像中咁甜到漏,大概是芒果汁的酸度中和了。


Rose Latte,擁有漂亮的拉花,結合點點的玫瑰花瓣,女士們會喜歡。


我的那杯叫金,大概是Mix Pineapple的飲品,喝起來除了有菠蘿味外,總覺有幾分像Jolly Sandy的感覺,蠻特別的。


才幾十蚊的甜品,做到呢個味道和效果,我無揀錯地方。

餐廳資料:
留白





6 則留言: