海外篇：食王肉骨茶 - 退而求其次

食物：$$$1/2
環境：$$$1/2
服務：$$$1/2

來到檳城，呢樣又想食，嗰樣又想食，最終就連必吃的肉骨茶，也只嚐了一餐。

原定目標是旁邊好出名的那家康乃馨肉骨茶，可是呢類大牌檔，做生意好隨意，這天去到摸門釘，臨時臨急又無兩手準備時，唯有過隔離搞掂。

望下招牌，叫做食王肉骨茶，不過其實叫什麼名字都無所謂了。
 

估唔到會有中國茶供應，仲有幾款可揀，鐵觀音既質素，比預期中好，可能是我對這類大牌檔的茶根本從沒期望。

肉骨茶固然要喝，另也多點了一份肉碎豆腐。豆腐滑嘟嘟，而且好入味，配白飯岩晒數。

肉骨茶要細的便可，內有腩肉、排骨、豬肚、粉腸及肉丸，蠻豐盛的。腩肉夠肥美，排骨唔怕嚡口，醮蒜泥及黑醬油吃更美味。

至於豬肚，來得爽脆，粉腸及肉丸都幾好。茶湯看上去不太濃郁，不過喝下去尚算醇和，比香港任何一間店也好。（我仲未食過馬來亞春色綠野景緻艷雅）

點解食咁少嘢？皆因轉頭又會再吃下午茶。去到外地，係咁架喇，唔係咩？

餐廳資料:

食王肉骨茶

61, Gurung Drive, 10250 Penang