海外篇：大麥生煎 - 檳城的爆汁生煎包

食物：$$$$
環境：$$$$
服務：$$$$

好明白，遊客到檳城玩樂，多半會留在喬治市一帶，再遠頂多也是去海灘欣賞火舞表演，或者到果園吃榴槤。

作為老饕，我絕不介意走遠一點，吃更多好東西。

我所指的，是位於大山腳的大麥生煎。

顧名思義，這裡的生煎包最耍家，另外佢都有唔少其他菜式，如辣子雞、台式鹵肉飯、雲吞麵，甚至隱藏餐單。

老遠來到，無理由唔食人家的招牌生煎包。咬落唔會黏牙，底部煎得香脆，肉餡味鮮，而且非常爆汁，吃時既要小心燙口，亦要提防湯汁噴到他人，否則就尷尬死了。完全估唔到，可以係檳城嚐到如此高質的生煎包，果然名不虛傳。

又試左佢哋既上海蔥油拌麵，蔥油香氣十分突出，麵條帶點煙韌，口感是我喜歡的。呢個味道，好家常。再加隻煎蛋，簡單而味美。

當然也要吃甜點。眼見餐牌有我至愛的葡撻，二話不說每人來番隻。新鮮出爐熱呼呼的，蛋漿香甜，撻皮酥脆，若面頭可以再燶多一丁點，那就完美了。不過，呢個出品，大概已是我暫時在檳城嚐過最為合心的葡撻了。

檳城的Honey Lemon，有別於香港的檸茶或檸蜜，感覺上是更加清爽怡人。

只留力陣間的下午茶，否則我會試埋佢哋既隠藏項目，松露蝦多士。沒關係，留待下次吧，反正我會再遊檳城的。

餐廳資料:

大麥生煎

17, Medan Seri Impian 2, Pusat Perniagaan Seri Impian, 14000 Bukit Mertajam, Bukit Mertajam, Malaysia

+60 18-294 3131