2018年3月17日 星期六

新店速遞:雙生館 - 有心孖女



食物:$$$1/2
環境:$$$1/2
服務:$$$$

濶太又有推介,係荔枝角的雙生館,小店是也,咁近我,自要去拜會下。

週二的晚上,全店空無一人,換著是自己行過,未必會敢進去,伏味似乎有點濃。不過,既是濶太介紹,是信心保証,所以毫不猶豫推門入去。

店主是一對孖生姊妹,服務熱情,詳細向我介紹晚市的各款菜色。
   


晚市單點由七十八蚊至百鬆啲蚊,加廿雞有轉餐,有餐湯及多士。


選了豬筋骨的主食,轉餐。黑松露帶子南瓜湯,帶子與及松露醬放在精緻的玻璃器皿內,湯之後再注入去。細細粒容易食的帶子,鮮嫩,南瓜湯不是罐頭貨色,香濃Creamy,蠻好的。


多士邊位香脆,包身柔軟濕潤,塗上細滑的牛油,十分可口,我全清掉。


主食隨之而來,店主千叮萬囑叫我小心燙手,細心。先講一旁的沙律,據稱用上有機菜蔬,誠意之舉,車厘茄清甜多汁。豬筋骨碰上車打芝士,香上加香。豬骨鬆化,本身味道偏淡,伴濃烈的車打芝士正好。此味雖講唔上頂級的豬筋骨,不過總算好吃。


可惜沒有甜品,唯有飲杯玫瑰檸檬龍眼蜜,不是太甜,卻散發出清新氣息,是有心機的出品。

是一間有心的小店,大家經過呢頭,不妨來支持下。


餐廳資料:
雙生館
60609834

7 則留言: