Follow me on Instagram

2018年3月16日 星期五

新店速遞:麵麵雞緣 - 有緣一試



食物:$$$
環境:$$$
服務:$$$$

捐窿捐罅尋找美食,然後跟大家分享,是筆者開始寫Blog的原因。

現在雖則多了試菜,多吃了些離地的餐廳,但當我一有時間,便會出動發掘些小店,那管近在我家樓下,或是遠至天腳底。

無錯中伏機會不少,又有人覺得我仲唔夠忙咩,點解仲要咁樣去搵嘢食?每當找到好嘢,心中那種莫名的興奮,真正喜歡吃東西的人自會懂。

趁星期天沒什麼事要趕,決定獨自去大角咀覓食。

十年八年前,每逢去大角咀食嘢,十居其九是去車品品。只是,此店愈開愈遲,後來索性只做夜市,但晚晚大排長龍,令人卻步,我已有四、五年沒到訪過。

今次一點四十五分左右行過,見佢貼張紙話是日開兩點,唔知堅定流,心大心細,我決定買完東西回來看看彩數,結果兩點十五分仍是落住閘。
    


後來,我行過後面大全街那邊,見有間麵麵雞緣,自稱是新派車仔麵,對於從來愛吃車仔麵的筆者而言,幾吸引,推門進去。


店子中午主打車仔麵,晚上供應雞煲,試過如果佢既麵係掂,我會再來辣一下。

吃車仔麵,我始終習慣食公仔麵或油麵,其他什麼粗麵幼麵河粉我皆無興趣,今次食油麵。再加我必吃的豬腸,同埋魚皮餃。


加了一個大洋,試黃金芝士湯。先呷一口,確帶出陣陣芝士香,合格。


油麵吸收了芝士湯底,也變得邪惡。反而,豬腸中芯的肥脂被清空得一乾二淨,自然欠缺甘香。魚皮餃是自家新派做法,體型較細,口感不是煙煙韌韌,餡料帶點蝦米香,完全顛覆了我對魚皮餃的感覺,幾得意。


點了熱的黑芝麻豆漿。

呢幾個月斷斷續續的流鼻水、打噴嚏和咳,遲遲唔好,太惱人,究竟幾時才可以完全康復呀?!


餐廳資料:
麵麵雞緣
大角咀大全街20號地下

6 則留言: