海外篇：Ipoh Bali Hotel - 放鬆心情的好地方

原來，怡保係好難訂酒店/ Resort的。

上網睇左好多酒店，十間有十間都話爆滿，正想放棄之際，呢間Ipoh Bali Hotel有房，實在太好，終於唔使煩。

論設施，這間酒店絕對及不上傳統的五星級酒店。講到水上活動，呢度又欠奉，甚至連游泳池也沒有。然而，佢有佢獨特的吸引力，大概是那種悠閒感覺，在香港難以找到。

    

在大堂Check in ，選好翌日的早餐後，入房睇睇。

是豪華房，分兩層，以木系為主調，正正是走峇里風。地下是大廳，電視、書桌、茶几、梳化等基本設備，一應俱全。而且空間感十足，比許多星級酒店更寬闊舒適。

拾級而上，高床軟枕就在我眼前。像爬上閣樓般睡覺，很有多年前在外國生活的感覺。忽然記掛著當年深夜有瘋癲開Party的日子。

好多朋友都知，筆者最關心的是浴室。呢度既浴室衛生情況良好，平時我多半會選擇浸浴，但這頭頂的花灑超猛力，勁舒服，兜頭淋到我個人清醒晒。

這兒的洗髮水和沐浴露好有心思，我覺得很窩心。

睡醒推門出露台，陽光普照，天氣和暖（甚至是熱），慶幸自己逃離當時只得幾度的香港。

剛才提過，呢間酒店既沒泳池，也無健身房，唯一擁有的措施，就是按摩。腰酸背痛的香港人，來一鑊吧！

走上天台，氣溫其實挺高，也無什麼設施，感覺卻是悠閒舒服（或許是我不怕熱）。找個位置坐下，睇睇風景，發下呆，那種鬆弛是在香港從沒遇到過，香港人實在太大壓力了吧～

不像一般五星級酒店，早餐不是大把食物任你揀。酒店甚至沒有餐廳，早點就在大堂搞掂，好輕鬆隨意。選好主食，外面放上少量果汁、多士等，係咁多。幾天下來，試了幾款早點，當中的印尼嘢地道好吃，好有家庭式的味道。

喜歡呢度職員既服務，並不是大酒店般的專業，卻是由心而發的友善，難得。還有，酒店的衛生情況也是一流，房間真是沒有一粒塵的。

酒店資料：
Ipoh Bali Hotel
12, Lorong Cheah Cheang Lim, 30350 Ipoh, Perak
(60) 5-242 0222