2016年12月22日 星期四

Yamm - 聖誕是要吃Buffet的~



食物:$$$$
環境:$$$$
服務:$$$$

已是第N次來到Yamm,不過臨近聖誕,來吃一頓豐富的自助餐,仍然是不可或缺的節目,每次也同樣吃得開心滿足。

呢度食物精緻種類繁多,人人皆知。今年更誇張,充滿節日氣氛的聖誕甜品系列,甚至放到出CoCo那邊,明乎其實未入門口先興奮。

今次我醒,六點半前便到達,影到更多豐富的食物相(以往呢,比較遲來,龍蝦山早已變為平地...)

   
 



臨近聖誕和做冬,是晚偏多類似公司聚餐的十幾人大檯,又抽獎又交換禮物,好不開心。





平時會首先進攻冷盤與凍海鮮,不過來到十二月既呢個時間,率先打火雞與威靈頓牛的主意,也是合情合理。





威靈頓牛最難控制火候,但這出品,嫣紅顏色已說明一切;一向對火雞的印象,都是肉嚡烚烚,純粹是吃少少應下節,不過呢隻火雞又幾嫩口喎!





恆常的項目,繼續由龍蝦山與即開生蠔領軍,其他凍海鮮也不乏支持者。





來了多次,不論美國還是法國的生蠔,也從沒令人失望,只是,這晚為了留肚攻甜,淺嚐了一隻而已。





香煎鵝肝,那份甘香,是我永遠抗拒不了的,來一客不過份啦~其他熱食與點心,如咕嚕雞球、灌湯餃、小籠包等,砌滿一碟。





朋友幫我拿了份黑松露蒸蛋回來,香氣撲鼻,我唔客氣了。





以自助餐的水準計,這兒的壽司和刺身,絕對不失禮,鰻魚、火炙三文魚、帆立貝壽司等,全部成為我囊中物,實在滿足。





甜品眾多,要先嚐節日限定,如甜到漏的Log Cake、聖誕樹造型的泡夫、栗子蛋糕等等。還有,見到大大粒的棉花糖,我也忍不住手,卻被又甜又飽肚的它狠狠KO了。





下個月的團年飯聚,鐵定要繼續在Mira Hotel的中菜廳,國金軒了。



餐廳資料:
Yamm
尖沙咀彌敦道118號The Mira Hong Kong 地下大堂
23155120

7 則留言:

  1. 公司嘅聖誕聚餐喺Yamm搞,仲要唔止一枱(間),好羨慕啊,我地呢度d公司好少有咁大手筆呢!

    回覆刪除
  2. 好飽足的一晚~期待國金軒團年啊!

    回覆刪除