Follow me on Instagram

2016年12月23日 星期五

一番風味 - 小廚風味



食物:$$$1/2
環境:$$$$
服務:$$$1/2

家陣去茶餐廳食個晏晝,動輒四、五十蚊,甚至更誇張,我曾在某間出名做大陸人生意嗰個上市茶記集團,食左近一舊水落樓,難食到癩,後悔莫及,之後我從沒踏足過此品牌半步。又咁講,股東鬧翻,管理層無心戀戰,個個諗住賣盤Cap水,想佢做得好,也真有點天方夜譚,或者Naïve

  



有時候如果想坐得舒服一點,我會搵些小廚,食個客飯套餐,價錢貴不了多少。近日發現灣仔有間一番風味,相信是新開無耐,環境頗舒適,午市客飯由$58起跳,最貴的黃金大蝦,也只是$78,划算。





我喜愛的菠蘿咕嚕肉,屬最便宜之級別,五十八個大洋,份量還不少。用上豬柳,口感爽彈,但外層可以更加鬆脆。





甜酸汁做得不錯,酸與甜的平衡得宜。至怕那些又厚又杰又多的醬汁,呢度唔會發生。咕嚕肉的菠蘿及青椒,從來不是茄厘啡,我會全數清掉。





另外的燒汁炒牛柳粒,配上的爽肉瓜,口感較為爽身,唔會煮得腍腍爛爛,合我心。牛柳粒味道尚可,肉質鬆化,但份量為何比咕嚕肉細一個碼?





盛奶茶的杯子也高貴過人,更幸運的是奶茶水準亦不示弱。





聽聞晚市供應的蟹粥好掂,或許要找個時間,相約朋友前來領教下。


餐廳資料:
一番風味
灣仔灣仔道138號明豐大廈地舖
37021371

7 則留言: