食物:$$$1/2
環境:$$$$
服務:$$$1/2
「愛。回帶」既筆者,很懷念當年在荔枝角工作的日子。以往無心工作既我,每天從窗外呆望出去,看著億利一點一滴的在變化。轉眼間,已成為今天的小半個食廈,即使晚上也很旺場。
呢幢廠廈的食肆,絕對唔輸蝕,好幾家西餐廳是對面利豐高層的飯堂;又如程班長台灣牛肉麵,許多人慕名而來,食完直豎拇指,話要番兜。
最近,美式漢堡包店亦加入戰幔。即管找個快樂星期五晚,跟朋友回去這個我熟悉的地方,湊湊熱鬧。
|
氣氛很好 |
推門進去,是典型美式漢堡包專門店的格局,即是我中意的歡樂氣氛。
|
好食 |
先來小食,就墨西哥粟米片吧!薄而脆,沾埋芝士及豆茸等汁醬,是令人停不了口的東西。
|
招牌 |
雖則有其他食物供應,但一場來到,如果唔食漢堡,就真係茂利過打乒乓波比賽唔扣鈕了。
漢堡的賣相稱不上一流,但牛肉水準總算幾好,重點更在於那洋蔥圈,整件事也得以加分。
|
竟有供應 |
今時今日,英美關係大好,在美式漢堡包專門店,也可發現賓尼特蛋的蹤影。呢款美食,除了控制好流心程度外,荷蘭汁也是十分重要的一環。可惜,佢個汁做得唔出色。
|
鬆化 |
都係美式食品較為靠得住,燒排骨十分鬆化,汁醬來得醒胃可口,用手拿起枝骨來吃,滋味無窮。
Ooops….忘記了要飲奶昔。
餐廳資料:
The Americano
荔枝角長沙灣道883號億利工業中心1樓12室
3709 9626
個ribs睇落幾正喎!食完呢餐,飽到粒鈕都要鬆番就真!;P
回覆刪除Ribs係OK的
刪除茂利!我咪係囉。
回覆刪除same here~
刪除