海外篇： 巴生文化肉骨茶 - 吃得舒服的好東西

食物：$$$$
環境：$$$1/2
服務：$$$$

檳城美食眾多，呢樣又想食嗰樣又想吔，就連我喜歡的肉骨茶也只吃過一間，短短一星期實在唔夠喉。

今趟唯一的肉骨茶體驗，是在姓氏橋對面的巴生文化肉骨茶，先下個結論，就是很推薦！

即叫即製，端上桌時茶湯仍是滾燙冒煙的，而且香氣十足，相當吸引。細既肉骨茶，份量原來都蠻大，裡頭有三層肉、肉丸、粉腸、豆卜、腐皮及金菇等，甚至有幾塊生菜。

湯頭都是傳統以藥材為主導的馬來西亞版本，但來得醇和而不澀。三層肉鬆化，皮是帶著滿滿骨膠原；粉腸粉嫩，沒心惱人的異味，肉丸亦合格。湯頭做得好，索味的豆卜、腐皮及生菜等自然有用武之地。

五香蝦卷勝在外脆而內裡口感彈牙，香口嘢自當岩我口胃，沾點醒胃的汁醬更具滋味。

早知道肉骨茶有跟幾塊生菜，就唔再散叫，不過呢碟有埋香口之炸蒜，又幾好既。

每次來馬拉食肉茶，我一定會配上芋頭飯，本身食味道已好好，夾埋茶湯是吃不停口，只是在香港好少地方見到有芋頭飯的選擇。

吃得大汁疊細汗，此時此刻，一杯凍飲是必須的，那管是凍啡抑或是玫瑰糖水。

餐廳資料:
巴生文化肉骨茶
48, Pengkalan Weld, George Town, 10300 George Town, Pulau Pinang