食物：$$$1/2
環境：$$$1/2
服務：$$$1/2
等到天荒地老，好朋友終於從英國回來渡假，當然要約埋食番幾餐，最好可以打場波，去馬交走番轉。
世事邊有咁完美丫，因為時間緊迫，只能食到兩餐飯，去澳門吃喝還是留待下次。
帶外國朋友食片皮鴨一定無死，我從來都有這個想法，所以便建議去古琴雅苑食片皮鴨。
經開飯網站訂枱，會送醉雞一份，成品總算皮爽肉不粗糙，但花雕酒香未能滲入雞件之中，唯有說贈送的就不要太高要求。
大家一坐低就雞啄唔斷，有說不盡的話題，那就費事煩惱吃什麼，是但點份四人套餐便是。冷盤的雞絲粉皮，尚算滑，雞絲亦可，同埋最重要是有足夠既麻醬，我收貨。
拍青瓜是刀切的，手拍得不夠，因此只吃到爽脆口感，未夠入味，但佢加入左蝦干，豐富口感，呢點係抵讚。
繼續是涼菜，松花皮蛋拌豆腐，用的是白福豆腐，沒什麼好說，要說的只是皮蛋仍未夠香。
大家的焦點，還是落在片皮鴨之上。是有淨皮，與及連皮帶肉兩款的。淨皮沾砂糖是從來唔會輸，連皮帶肉的就只是不過不失，但跟餐已包半隻鴨，價錢唔貴，算食得過。
松子魚是我喜歡的項目，應該話凡是酸酸甜甜的東西我都會中意。大家影完相，店員會幫忙將魚切件，酸甜汁醬好似蓋不到魚既腥味，還是我味覺出現了問題... 另外還有農家醬爆牛肉，可是有個別牛肉片是偏韌，看彩數吧！
套餐所跟的菜蔬，係火腿津白，但火腿可以俾慷慨些少嗎?
食埋個炒飯，同埋杞子桂花糕，傾下傾下，又已經三點，店家要落場，我哋唯有轉場，去飲咖啡。
畢竟有說不盡的話題呢~
四人餐都幾多野食呀！
回覆刪除係呀, 好夠食
刪除