2015年11月19日 星期四

新店速遞:上海小籠皇 - 有啖滬菜食


食物:$$$
環境:$$$
服務:$$$1/2

我家附近的商場,早前進行大翻新,快餐店、街市食肆,以及酒樓,統統要暫別我們,是個黑暗的日子。

廣場家陣搞得七七八八,新食肆逐步進駐,其中一家,我最有興趣的,就是上海小籠皇,都說過我是堅愛吃滬菜的啦!

新屎坑既關係,加上大家又「餓」左咁耐,那管店子做得好不好,排長龍等吃是預料中事。

預期中的旺場

齊齊俾意見點餐,冷盤、熱葷、點心和麵食,各來一點,較全面測試店家的水準。
 
軟熟
以烤夫起始,手切的,粒粒方方正正,入味,軟熟,但如果可以手撕,相信效果會更好。
 
其貌不揚
作為正義的朋友,豈能不消滅百頁結紅燒肉這邪惡的東西? 賣相查實未見吸引,至少沒有引得我雙眼發光。然而,咬下去,仍是鬆化,入晒味。墊底的百頁結,爽口又沒有很硬,整體是合格的分數。
 
未能稱皇
當然不會走漏小籠包,可惜這兒的出品,皮稱不上薄,又欠缺湯汁,肉餡普普通通,暫不能滿足到我。不過,只是剛開業,仍需時間調整,希望下次再來時,會嚐到皮薄餡靚的出品。
 
麻醬唔夠
還選了兩款湯麵,分別是上海排骨湯麵,以及擔擔麵。兩者有個共通點,就是麵質太淋,有欠爽口,前者優勝的地方,是排骨炸得金黃香脆又鬆化。反而擔擔麵,只有辣勁,麻醬的份量,下得太少了。
 
金黃香脆
湯麵以外,仲有上海粗炒,味道合格,但應可再香一點。


由於回家有甜的吃,所以今次,測試不了這裡的甜點,不過我仲有大把機會前來的啦!

餐廳資料:
上海小籠皇
荃灣青山公路625號麗城花園第三期麗城薈地下46-47號舖

2 則留言: