龍點心 - 新派點心下午茶

食物：$$$1/2
環境：$$$$
服務：$$$$

約會忽然推遲一小時，那就在附近找個地方先吃下午茶吧～

新派點心專門店龍點心家陣已開到第四間分店，筆者卻仍然未見識過，趁佢在我不遠處，即管試試。

睇裝潢，明顯想食埋年輕人市場，就連餐具都是岩晒打卡的。

先來一籠大滿足，有六件唔同款式、口味和顏色的蒸點。食左粒筍尖蝦餃皇，幾多蝦肉幾足料；松露野菌晶瑩餃，都幾有菌香，紫色控肯定喜歡。仲有酸菜魚鳳眼餃，家陣愈來愈多地方將酸菜魚變成點心，或許是貪其酸酸辣辣夠醒胃。

另外叫左下午茶既一人孖寶，可選兩樣點心，揀了叉燒腸同埋芝士鮮蝦腐皮卷。腸粉已切成一口Size，方便食用。味道及賣相，都是正常發揮吧！

芝士鮮蝦腐皮卷，色澤金黃靚仔，咬落是香脆，餡料有蠻多的蝦肉，反而芝士成份可以再慷慨啲，再可以既。吃時要小心，剛剛炸起非常熱燙。

即使是吃下午茶，也覺有點甜才夠圓滿。要份豆腐布甸大家分享好了。質感還好，沾點頂頭的芒果醬同吃會更好味。

淺嚐幾口甜，時候差不多，滿足地離開。

餐廳資料:
龍點心
觀塘觀塘道398-402號Eastcore 1樓4號舖
23900166