食物：$$$1/2
環境：$$$1/2
服務：$$$$
大大話話十年以上沒到過創興樓上的餐廳，是日朋友約食火鍋放題，我才有機會踏足這青年人既地方。
目的地是泰金鍋，是本地少有的泰式火鍋放題專門店，我本人就未見識過既。
個別日子有DJ打碟，這晚就是廣東歌之夜，邊吃火鍋邊重温經典廣東金曲，氣氛蠻不錯的。
跟平時打邊邊一樣，第一動作先去混醬~此泰式火鍋的最大賣點，可說是大頭蝦，各位可在蝦池之中自行撈起生猛既大頭蝦，所以肯定新鮮，仲要好爆羔。點選的是椰子雞鍋，雞肉質素很好，湯底亦清甜，其實咁樣滾配料，唔使沾任何醬油都可以。除左瘋狂咁撈蝦外，仲有丸類、菜蔬類等大量的火鍋配料，放在外頭俾大家任拎唔嬲。食肉獸亦大可放心，因為可以柯打各式豬牛肉，美國牛澳洲和牛，肩胛肉及牛胸腹，全部可以吃到，而且質素都唔差。還有一系列的熱食，鮑魚、串燒及炸物等可自行落單，真係唔打邊爐都可以食得飽。外頭的毛血旺、咖喱、泰式炒肉碎等，大概是為重口味人士而設。做得泰式主題餐廳，當然唔少得泰式海南雞飯，喜歡佢配上黃油飯。
仲有幾款點心，最估唔到係佢既蝦餃同燒賣咁有水準，大家都甚至要Encore。吃得再飽也好，都要留少少位置食甜品，朱古力撻、泰式糕點，以及雪條之餘，可自己製作的雪花冰都是必吃的，有得玩有得食，滿足。跟坊間的放題店一樣，啤酒汽水是任飲。餐廳資料:
泰金鍋
旺角彌敦道601號創興廣場6樓
81182228
沒有留言:
張貼留言