利苑酒家 - 老派約會之必要

食物：$$$1/2
環境：$$$1/2
服務：$$$1/2 

有些朋友，無需要經常見面，亦可以維持到深厚友誼。

說是朋友，大概是我高攀了，其實是我的兩位前上司，教曉我許多東西的良師，以前大家會間中出來食飯碰面。

只是，近呢三幾年，因為疫情，與及種種原因，我哋只經Whatsapp聯繫，沒見真身。

數年過去，係時侯要出來聚聚。我們仨有個必然的老地方，就是德福利苑。

收工遲來，大家食住海蜇及皮蛋等小吃慢慢等。小弟到埗，燒味雙拼也剛好送來。叉燒偏瘦，至少保持到鬆化質感。冰燒三層肉素來是利苑的名物，皮脆肉咸香，雖與巔峰時期仍有所不及，但都是合格以上的貨色。

酸酸甜甜的咕嚕蝦球，賣相有點不修邊幅，勝在用上大大隻的虎蝦，口感爽脆彈牙，菠蘿也很讚！

蝦乾豆腐愉耳，好穩陣的一道菜，咸香又巨型的蝦乾是最大亮點。

始終是偏向成熟的品牌，係度已唔會見到有石榴甘露等的新派甜品，但佢既楊枝甘露就Keep到水準，冰凍清新又足料。龜玲膏也愈來愈難在酒樓遇上。

從高峰期幾乎間間分店摘星，到今時今日好少人再提及的傳統酒樓集團，我覺得利苑仍有一定的吸引力，至少對我而言是。

餐廳資料:
利苑酒家
九龍灣偉業街33號德福廣場1期1樓F2號舖
23313306