2021年7月2日 星期五

聚小館 - 重口味



食物:$$$1/2
環境:$$$$
服務:$$$$ 

大角咀有不少麻甩餐廳,供應地道小炒,當中包括這家聚小館,據說其中一位老闆兼大廚,係前澳門文華東方酒店的行政總廚。

星級名廚出來自立門戶,屢見不鮮,但即使廚藝再高,當要自己做老闆時,出品往往未如想像中出色,畢竟成本是一大限制。

希望呢間聚小館,可以做出成績。

差不多枱枱都是點那幾款菜色,譬如拔絲咕嚕肉。咕嚕肉是比坊間的切得細粒,入口鬆化,酸甜平衡尚好,但其實不太做到拔絲效果,同埋以桃去取締菠蘿,對於我等食古不化的人來說,總會扣點分數。

豉油皇大蝦,勝在夠脆口,不過連經常出街食飯既我,也覺得是稍咸了一點,大概是要有啤酒作伴才行。

在這類地方吃飯,即使菜蔬也要揀最惹味的,XO醬啫啫唐生菜是也。送上來時,沙沙聲響,香噴噴,贏了印象分。爽脆的唐生菜,帶微辣,香口好吃。

招牌魔鬼炒飯又是每枱必點的,熱辣辣的上枱,混入的是豆豉鯪魚,集咸、香及辣於一身,另一道下酒佳品。

始終是主攻地道小炒的格式,出品都是偏重口味,食開住家飯既朋友,或許會吃不慣。

不喝啤酒的,自家煲製的烏梅茶,甚或是枝裝飲品,都唔貴。


餐廳資料:
聚小館
大角咀大全街41號地舖
35682780

2 則留言: