食物:$$$$
環境:$$$1/2
服務:$$$$
蒙麵,紅磡其中一家人氣店。
下午一時開門做生意,十二點四十五分已現人龍,真係唔講得笑。
排隊食車仔麵就咪搞我,不過這夜路經,見有位,不妨進去一試。
原來是低調的良心店,那我就更落力支持,韭菜餃溏心蛋油麵外,加多份花甲,整串燒叉燒,唔爭在飲埋可樂。 油麵浸在蕃茄薯仔湯內,呷口湯,很家常的味道,難怪咁多人排隊。花甲相當鮮甜,隻隻開口,完全無沙,是揀手貨。 鹵水溏心蛋是分開上,鹵得入味,蛋黃做到溏心效果,香甜可口。 韭菜餃一份兩隻,同樣是另上。呈扁身的餃子,皮薄而不韌,吃起來滿有韭菜香,也是高水準。 即燒的蜜汁叉燒,慢工出細貨。成品鬆軟帶蜜味,有燶邊,估唔到可以係車仔麵店食到咁優質既叉燒。 麵店好像規矩多多,幾寸咀咁,但其實只要你不是西客,店主店員都好有禮貌的。呢一間,絕對係非一般的車仔麵店,長龍是有理的。
勁想食呢間!
回覆刪除