2021年7月5日 星期一

Go Go Rock - 大MK日?!



食物:$$$1/2
環境:$$$1/2
服務:$$$1/2 

連我自己都說不出,多久沒去過旺角的酒吧餐廳用餐。

近年已不多出旺角,即使是去,九成也只是惠顧帝京酒店,或者到訪不同的Cafe,打卡扮文叔。

是夜為遷就各方朋友的地點及時間,晚餐選址砵蘭街的Go Go Rock,實行來個大MK日!

按店員推介,分別點選了各式Cocktail,同埋Sangria,來配生蠔海鮮,以及豐富既食物。

人齊,先來份海鮮拼盤。驟眼看來,象拔蚌和生蠔最吸引,的確,這兩款東西夠新鮮,另蟹腳也鮮甜,鮑魚軟腍,但無乜味道,我沒試的翡翠螺,據聞是神來之筆。

主食之前,有餐湯及沙律,紅湯的什菜湯足料,沙律菜大致新鮮,配上柚子汁,清爽而不會過酸。

幾款主菜,包括烤大蝦三文魚扒,前者爽脆,本身對三文魚扒無咩期望,吃起來卻又皮脆肉質沒太粗嚡,比預期中出色。

另一款魚,係燒鱸魚。我食魚好渣,怕魚刺,所以只挑魚背部份吃。燒得香脆,灑點檸檬汁引出味道,合格。

作為卡邦尼殺手,在餐牌中遇上此味,又豈會放過? 賣相頗有藝術感,鋪滿芝士粉的出品,若然煙肉可再爆香口一些,成件事會更上一層樓。

豐富的晚餐,總不能略過甜品環節。桃膠北海道奶凍,女士恩物,層次豐富,加上細滑的質感,有水準的,但我還是留給在座的女士們品嚐好了。

重口味的朋友,大可選擇心太軟。一刀切落去,朱古力漿澎湃湧出。外殼微脆,結合濃郁的朱古力漿,與及雪糕,冷熱交融之效果,從來討好,至少我很受落。

係呢個時勢,多點跟朋友出來聚聚頭,有助紓緩情緒,否則真係『仁刀巔』。

下次一齊食自助餐,定打邊邊好呢?


餐廳資料:
Go Go Rock
旺角砵蘭街180號地下A號舖
27799251


2 則留言: