銅巷 - 地道泰菜

一年一度的家庭旅行雖然選不中曼谷為目的地，但近排筆者似乎仍得到泰國食神的眷顧，連續在港吃了不俗的泰菜，包括這間。

位於銅鑼灣世貿斜對面的銅巷，是朋友極力推荐的小店，我放了在口袋良久，趁這夜在老銅搵食，終於來了。

喜歡店子的繽紛色彩，被安排坐在「吧枱位」，可以看見廚師團隊在賣力地工作，我覺得好治癒。

主理人Chomchuen Pornphen的背景，許多媒體都有介紹過，我就不在此重複，反正來頭不少，大家有興趣可以自行問下AI。

三十幾度，跟泰國沒兩樣的氣溫，甫坐低要即時叫嘢飲。朋友對新派的檸檬綠茶很感興趣，但食古不化既我，還是要傳統的泰檸茶好了。

按習慣，二人點上不同的食物，大家分享。先來的船麵，除左河粉金邊粉之外，竟然可配媽媽麵，朋友話未試過呢個配搭，我就陪佢癲下。

麵條是認知中的味道與質感，反而深不見底的湯頭最有驚喜，味道濃郁又有層次，伴以牛肉及牛丸等的麵碼，果然不錯，若能有埋炸豬皮，就滿分。

要了半隻海南雞，皮是爽口，肉質卻未如想像中的嫩滑，雖未至嚡口，但以店家主理人的名氣及經驗，我覺得可以要求高一點。

蝦餅就做得很出色，剛剛炸起新鮮熱辣，外脆而蝦膠彈牙，當中更混入了粒粒的蝦肉，醮上甜甜酸酸的汁醬，大愛！

原本打算試埋佢哋既斑蘭糕，但我實在太高估自己的食力，唯有留待下次吧~

餐廳資料:
銅巷
銅鑼灣謝斐道528號地舖
28389190