2021年4月27日 星期二

越南亞呂 - 無意中發現的微店



食物:$$$1/2
環境:$$$
服務:$$$1/2 

紅磡勝在多嘢食,仲要唔係千篇一律的大集團,而是有個性之小店。

某日,無意中發現這家越式小店,正確點來說只是微店,全場得三個座位,專攻外賣。

有時會同朋友來吃,但更多時候是單拖前來,進入一人之境。

中午選擇並不多,來來去去幾款餸,但可配飯、河粉、檬粉,或者粉皮。

茄汁牛腩河的湯底做得好,不會過酸而且滿有層次,我可以把整碗湯喝光。幾件牛腩亦鬆化,敗筆在於河粉,幾次吃也是,疊埋一舊舊,還沒有弄開。若然可多做些事前功夫,如在烹煮前細心將河粉分開,呢碗茄汁牛河就太好了。

有時太肚餓,會想吃米飯。試過沙嗲牛肉飯,牛肉鬆化,質感唔怕好假,汁醬並不很辣,反而滲出微甜,連埋香口的炸蒜,很好下飯。懶理食完炸蒜後會否呵氣如蘭,下午的會議總要繼續。

好友最愛這裡的炸雞翼,炸得香口熱燙,漲卜卜夠飽滿,仲好juicy~

越式咖啡,香濃也偏甜,反正我喝得慣。

有諗過唔同大家分享呢間店,因為地方太細,你來堂食,我就無位坐...


餐廳資料:
越南亞呂
紅磡蕪湖街117號興邦大廈地下B舖
68792111



3 則留言: