食物:$$$1/2
環境:$$$1/2
服務:$$$$
有人辭官歸故里,有人漏夜趕科場。呢句說話,放諸任何時勢皆準。
任憑你說經濟如何低迷,總會有人認為是合適時機大展拳腳,你看年尾有幾多新既餐飲品牌出現便可知道。
小店而言,荃灣的天竜是其中之一。
午市幾十蚊有交易,若想食豪啲,兩舊幾既海膽五色丼佢都做到俾你。今年都無乜食過刺身壽司,見有魚生丼便忍不住口,縱然我深明這類店子總不會有驚為天人的出品。
嚐過開胃的前菜,飲完夠味而不搶喉的麵豉湯,我的主食角切魚生丼要出場了。 角切魚生查實無乜味,八爪魚粒亦然,而且還韌得像吃橡皮膠,要花氣力咀嚼。三文魚籽是鮮,但欠缺爆漿之感覺,不過五十幾蚊包埋前菜與麵豉湯,也真不能要求太高,叫做止下癮還是可以了。 幾十蚊有時食個茶記都唔得,所以真的沒有投訴。不過若有機會再來,好可能只吃些熟食,如滑蛋豬扒飯、炸雞飯等。
魚生切到一粒粒食得唔夠過癮,我想大大片咁食呀!
回覆刪除我見佢有白子食!
回覆刪除