白布烏冬 - 似餃子皮

食物：$$$1/2
環境：$$$$
服務：$$$1/2 

在金所吃完拳之牡蠣，頗為滿意，又屎忽痕想試埋拉麵陳的另一傑作，白布烏冬。

說起來慚愧，作為老饕，對於日本群馬縣的名物，方形像布匹之烏冬，筆者是從沒見識過。

中午十二時開門，我零五分到埗，餐廳內已經有十個八個食客，似乎比大大隻既吉列炸蠔更受歡迎。

店子全是吃白布烏冬，但有唔同食法，包括沾烏冬、湯烏冬，以及冷烏冬。

掙扎了三秒，鐵定要柯打鴨肉沾烏冬。

未幾，一大盤食物送上，沾湯與烏冬當然是分開上。沾湯裡有三幾鴨胸，還有些大蔥及茄子在內，另一邊廂就是七大片方型的白布烏冬。

沾湯肯定是比較濃味，不用大驚小怪。三件鴨胸厚切，入口唔會太硬，茄子反而保留了點咬口，不過個人其實更愛配角的大蔥。

主角之白布烏冬，質感很滑溜，吃起來帶點煙韌口感，我覺得有幾分似餃子皮，吸收了湯汁倒也是不錯。然而，七大片的烏冬，其實好飽肚。

最大問題是，沾汁好快凍，可是沒人會來加熱湯，或者放熱石將沾汁翻熱，所以吃至後段，風味稍遜。

餐廳資料:
白布烏冬
深水埗荔枝角道313號地舖
25729088