偽茶記乾炒肥牛河

 

又係清雪櫃時間，今次要用左屋企既肥牛。

有時懶，炒一大碟乾炒牛河，已經可以是成家人的晚餐。當然，家用版的炒牛河，一定及不上係街食咁夠鑊氣。

材料不多，不外乎：牛肉、銀芽、韭黃、河粉、生抽、老抽及糖

先以豉油及糖醃牛肉約十來分鐘。

用大火炒香銀芽及僻走其草青味，炒至開始轉色便可盛起備用。

將醃好的肥牛炒至半熟備用。

把疊起的河粉逐條分開，落鑊炒至略帶焦香，加入生抽及老抽作調味及上色，期間可用筷子將河粉摷鬆。

最後，再將剛才的肥牛、銀芽，以及韭黃放入鑊一併炒勻炒香，家用版本既乾炒肥牛河便大功告成。

唔使教都知，吃牛河梗係要自行加入辣醬才更美味。

小秘訣：

• 一定要俾耐性將牛河炒至香噴噴及條條均勻上色，我哋係要炒牛河而唔係撈河

• 師傅教路話加點蛋漿淋在河粉上可避免痴底，但我沒這樣做也OK

• 建議用筷子炒牛河，因用鑊鏟會容易弄斷河粉