食物：$$$1/2
環境：$$$1/2
服務：$$$1/2
深水埗近期出現了許多Cafe，間間滿個性，處處打卡位，其中之一係白楊街的Nomad。
跟其他人氣咖啡店一樣，請有等位的心理準備，半小時閒閒地，即使是平日。
烈日當空下等半粒鐘，咪話唔攞命，險些兒過唔到體溫檢測，被拒諸門外。話又說回來，餐廳都算係咁，起碼店員會派水給企係門外等侯的食客。
水吧位後面有唔少Taps，無錯，除了咖啡外，還有酒精類飲品供應。湯瑪仕兄知道後，馬上來杯啤酒解下渴。
大家老友鬼鬼，開心些牙食物是我們的好習慣。湯瑪仕好肚餓，原本想叫個海膽忌廉汁蟹肉意大利飯頂肚，可惜售罄，唯有要個野武士烏冬。其實是個豆腐湯烏冬，非常清淡，而且份量不多，大概是為減肥的女士而設。
另一款同樣健康的，是和風柚子沙律。大量的沙律菜蔬，結合西柚、紅菜頭、洋蔥及蕃茄等，最重要是混入柑橘醬汁，爽脆而醒胃，炎炎夏日大吃幾口，清爽！
最有睇頭的一味，要數到蒲燒鰻魚漢堡。原條鰻魚長長的置在餡料之中，影札呃Like妙品。鰻魚質感可以接受，蒲燒汁作伴總不會難食，除非條鰻魚好腥，當然呢度沒有這個問題。伴以開胃的沙律醬椰菜及味噌磨菇，大家都無投訴。
結尾有日式吉列豬扒三文治，超厚切既豬扒，濃香的芝士與帶酸的椰菜絲，乃相當穩陣之組合。味道合乎預期 (其實都唔會走樣得去邊)，厚身的豬扒咬落亦鬆化，在未能飛往日本食好西的日子，大啖咬幾口，勉強算是緩解之苦的良方。
天氣太熱，放棄了飲咖啡，要杯凍朱古力取代之。但朋友大讚呢杯Flat White有水準，看其賣相，佢應該無呃我。
如果真心想食，一條友或兩個人來，可以唔使等咁耐。
記緊，帶定手提風扇，同埋水~
餐廳資料:
Nomad
自封城以來，已有四個多月未飲過啡類飲品呢。^^"
回覆刪除日式吉列豬扒三文治最得我歡心！
回覆刪除