食物：$$$1/2
環境：$$$1/2
服務：$$$1/2
繼續望天打卦的日子，老豆問一唔一齊食午飯，我無所謂，反正沒有約會。
素來對食無甚主見既老豆，是日竟然話想食懷舊嘢，筆者第一時間諗起老馮茶居。
老馮其實在我的To-eat list良久，皆因身邊朋友食過有讚無彈，而且佢係小數的點心良心店。
原來此品牌悄悄地在大埔開設了分店，然而元朗總店始終比較方便我，跳上68M巴士，廿分鐘到達。
地方不大，坐得唔算舒服，懶懷舊是其賣點。
筆者兒時係跟阿嫲住公屋的，所以特別有親切感。你呢?
沒有柯打蒸飯，只叫了幾款點心。都說過，我覺得要食蝦餃或者燒賣，才像是飲茶。蝦餃仍然保持一籠四粒 (家陣好多地方已縮做三隻了)，但味道並不懷舊，因為全是蝦肉餡。雖是足料，但我始終喜歡那些有豬肉及筍尖的出品，可惜現時愈來愈難找到。
沒點蟹籽燒賣，因為餐牌中有懷舊款式的鵪鶉蛋燒賣。蝦膠與豬肉餡打造而成的燒賣，口感蠻好，頂頭加隻鵪鶉蛋，誓要大家高呼膽固醇萬歲。
叉燒包本身未算軟熟，但夾著香甜的餡料，我亦沒有太多投訴。
黑椒豬腸，印象中我是從沒嚐過這款點心。豬腸質感是頗腍身，或許是為老人家而設，但有著惹味的黑椒來作襯托，成件事又唔差喎！
腐皮卷，咬落仍是燙口的，肯定是剛炸起。脆卜卜的質感，內有不少彈牙的蝦肉，岩晒愛吃香口嘢既我。
原先點的奶皇千層糕售罄，唯有改要棗皇糕，感覺有點太濕，其實呢款甜點從來不是我杯茶。
今時今日，咪以為所有嘢都係老馮，我哋已經唔係以前咁幸福架喇！
餐廳資料:
老馮茶居
幸福真的不是必然的！
回覆刪除依家坐68m時間比n年前快一倍有多呀！
回覆刪除